සෞදියට යලිත් පහර දේ... මක්කම මීලග ඉලක්කයලු!
සවුදි අරාබියේ අගනුවර වන රියාද්හි පිහිටි ජාත්‍යන්තර ගුවන් තොටුපොළ වෙත දින දෙකක් ඇතුළත එල්ල වූ දෙවන ප්‍රහාරයෙන් පුද්ගලයෙකු ජීවිතක්ෂයට පත්ව තවත් 11 දෙනෙකු තුවාල ලබා ඇති බව එරට බලධාරීන් තහවුරු කළ බව BBC පුවත් සේවය වාර්තා කරයි.
මර්වින් සිල්වා විවාහ යෝජනා කළ ‘පිල්ලේට’ හිමිවූ නොබෙල් අවධානය 2013 ශ්‍රී ලංකා සංචාරයේ අප්‍රසන්න මතකයන් නැවත අවදි කරයි
මහින්ද රාජපක්ෂ ආණ්ඩුව සමඟ පැවැති මතභේදාත්මක ගැටුම් පිළිබඳව ප්‍රසිද්ධියක් උසුලන එක්සත් ජාතීන්ගේ හිටපු මානව හිමිකම් පිළිබඳ මහකොමසාරිස් නවී පිල්ලේ මහත්මිය 2026 නොබෙල් සාම ත්‍යාගයේ ජයග්‍රාහිකාව ලෙස ප්‍රකාශයට පත්කර ඇත. එවකට පැවැති ආණ්ඩුව ඇයට චෝදනා කළේ ඇගේ, ජාතිකත්වය හේතුවෙන් එල්.ටී.ටී.ඊ. ත්‍රස්තවාදී සංවිධානය වෙත පක්ෂපාතීත්වයක් දක්වන බවත්, එම සංවිධානයේ ත්‍රස්ත ක්‍රියා නොසලකා හරින බවත්ය.
ළමා රෝහලට සී.ටී.ස්කෑනර් යන්ත්‍රයක් පරිත්‍යාග කරන්න කියා ඉතිරිකිරීමේ බැංකුවෙන් ගත් මිලියන 10යේ චෙක් එකෙන් සිරිලිය ‘ටොරිංටන් පෙදෙසින්’ ගෙයක් මිලදී අරගෙන!
රිජ්වේ ආර්යා ළමා රෝහල සඳහා සී.ටී. ස්කෑනර් යන්ත්‍රයක් ලබාගැනීමට ‘කාල්ටන් සුව උදාන’ ව්‍යාපෘතිය විසින් කරන ලද ඉල්ලීමක් මත, ජාතික ඉතිරිකිරීමේ බැංකුව විසින් රුපියල් මිලියන 10ක චෙක්පතක් හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂගේ ප්‍රධානත්වයෙන් යුත් ‘සිරිලිය පදනම’ වෙත නිකුත් කර ඇති බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.
ඥානසාර හිමියන්ගේ සිවුරේ සටන දිනයි... මෙන්න සිවුර යළිත් පොරවන්න වෙච්ච හැටි!
පූජ්‍ය ගලගොඩඅත්තේ ඥානසාර හිමියන්ගේ සිදුවීම මුල් කරගනිමින්, සිරගත වන භික්ෂූන් වහන්සේලා බන්ධනාගාරයෙන් බැහැරට රැගෙන යාමේ ක්‍රියාපටිපාටිය සම්බන්ධයෙන් මතුවූ ආන්දෝලනාත්මක තත්ත්වය හමුවේ රජය නව නීතිමය සංශෝධන හඳුන්වා දීමට කටයුතු කරමින් සිටී.
සජබ ආණ්ඩුවක් යටතේ සම්බුදු සසුනට මුල් තැන… බුදු සසුන රකින්න කැබිනට් අමාත්‍යංශයක්… සෙසු ආගම් සඳහා රාජ්‍ය අමාත්‍යංශ…! – සජිත් ප්‍රේමදාස…
ආණ්ඩුක්‍රම ව්‍යවස්ථාවේ සඳහන් පරිදි සම්බුද්ධ ශාසනයට මුල් තැන ලබා දීම සමගි ජන බලවේගයේ මූලික ප්‍රතිපත්තිය බව විපක්ෂ නායක සජිත් ප්‍රේමදාස පවසයි.
එමෙන්ම ඉදිරි රජයක් යටතේ බුද්ධ ශාසන අමාත්‍යාංශය කැබිනට් අමාත්‍යාංශයක් ලෙසත් සෙසු ආගම්, සංස්කෘතීන් හා ජාතීන්ගේ අනන්‍යතාව සුරැකීම උදෙසා වෙන් වෙන්ව රාජ්‍ය අමාත්‍යාංශ පිහිටුවීමටත් කටයුතු කරන බවද සඳහන් කරයි.
හෝමුස් අසලදී විශාල තෙල් නැවකට ප‍්‍රහාරයක්.. මහා ගිනි ජාලාවක්..
එක්සත් අරාබි එමීර් රාජ්‍යයට ඔබ්බෙන් වූ මුහුදු සීමාවේදී ‘GEM NO.2’ නමැති දැවැන්ත බොරතෙල් ප්‍රවාහන නෞකාව හඳුනානොගත් ප්‍රහාරයකට ලක්ව ඇති බව වාර්තා වේ. මෙම ප්‍රහාරයත් සමඟ නෞකාවේ ගින්නක් හටගෙන ඇති අතර, ගල්ෆ් කලාපය පුරා නාවික ආරක්ෂක අවදානම යළිත් උත්සන්න වී තිබේ.
මෙවර අයවැයෙන්වත් Vat 0% කර පෙන්වන්න..- වැලිකඩ සිට නාමල් ජනපති ලියයි...
පාසල් දරුවන්ට අවශ්‍ය අත්‍යවශ්‍ය අධ්‍යාපන උපකරණ සහ පෝෂණ ආහාර ද්‍රව්‍ය සඳහා පනවා ඇති එකතු කළ අගය මත වන බද්ද (VAT) ඇතුළු අනෙකුත් සියලු බදු ඉදිරි 2027 අයවැය මඟින් ඉවත් කිරීමට පියවර ගන්නා ලෙස ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා ජනාධිපති සහ මුදල් අමාත්‍ය අනුර කුමාර දිසානායක මහතාගෙන් ලිඛිත ඉල්ලීමක් කර තිබේ.
සිසුවෙකුට ලිංගික අතවර කළ 49 හැවිරිදි ගුරුවරියට 8 වසරක සිරදඬුවම්..
දාහතර හැවිරිදි පාසල් සිසුවකු තම නිවසට කැඳවාගෙන ගොස් ලිංගික අතවර සිදු කර අසභ්‍ය ඡායාරූප ලබා ගැනීමේ චෝදනා තුනකට වරදකරු කෙරුණු 49 හැවිරිදි දෙදරු මවක් වන පාසල් ගුරුවරියකට වසර අටක සිරදඬුවමක් මොනරාගල මහාධිකරණ විනිසුරු නිශාන්ත විජේසේකර මහතා විසින් නියම කරන ලදී.
අනෝජන් බේරගන්න සෞදි ගිය රජයේ දූත පිරිස සෞදියේම හිරවේ...
සෞදි අරාබියේදී මරණ දඬුවම නියම වී සිටින ශ්‍රී ලාංකික සංක්‍රමණික සේවකයෙකු වන අනෝජන් සිවරාසා බේරාගැනීම සඳහා වන විශේෂ පොදු සමාව අයැදීමේ නීතිමය අභියාචනය අවසන් කිරීමට එරටට ගිය සිව්පුද්ගල ශ්‍රී ලාංකික නියෝජිත කණ්ඩායම, ගුවන් ගමන් අත්හිටුවීම හේතුවෙන් රියාද් නුවර සිරවී සිටින බව The Sunday Times පුවත්පත වාර්තා කරයි.
නවිපිල්ලේට නොබෙල් තෑග්ග දීම වරදක්.. යුද්ද අටක් නිම කල මටයි දිය යුත්තේ..- ට්රම්ප් ජාත්‍යන්තර අපරාධ අධිකරණයට මූල්‍ය සම්බාධක පනවයි..
දකුණු අප්‍රිකානු නීතිවේදිනී නවනීදම් පිල්ලෙයි මහත්මිය 2026 වසර සඳහා වන නොබෙල් සාම ත්‍යාගලාභිනිය ලෙස නම් කිරීමත් සමඟ, අමෙරිකානු ජනාධිපති ඩොනල්ඩ් ට්රම්ප් නොබෙල් කමිටුව දැඩි ලෙස විවේචනය කර ඇත. තම සේවා වාර්තාව අනුව එම සම්මානය හිමිවිය යුතුව තිබුණේ තමන්ට බව ඔහු අවධාරණය කර තිබේ.
ඥානසාර හිමි බන්ධනාගාර මුද්‍රණ අංශයේ කම්කරු සේවයට..
අධිකරණ නියෝග මත සිය සිරදඬුවමේ ඉතිරි කාලය ගෙවමින් සිටින බොදු බල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන් බන්ධනාගාර මුද්‍රණ අංශයේ කම්කරු සේවයට අනුයුක්ත කිරීමට නියමිතව ඇත.
අපි අස්වැසුම හොරෙන් ගත්තා..- රජයේ සේවකයන් රැසක් පිලිගනී..
නෝර්වුඩ් ප්‍රාදේශීය ලේකම් කාර්යාලයේ අස්වැසුම ප්‍රතිලාභ වංචනික ලෙස තම නමට සහ තම ඥාතීන්ගේ නමට ලබා ගත් එම කාර්යාලයේ සේවය කරන සේවකයින් රැසක් විමර්ෂණයක් ආරම්භ කිරිමට ප්‍රථම ස්වේච්ඡාවෙන් ප්‍රාදේශීය ලේකම්වරයා හමුවේ වංචාවක් සිදු කල බවට පිලිගෙන ඇත.
අල්ලස් කොමිසම රාජ්‍ය නිලධාරීන් 34,000කට දඩ ගසයි!
දූෂණ විරෝධී පනත යටතේ නිසි වේලාවට වත්කම් හා බැරකම් ප්‍රකාශ ඉදිරිපත් නොකළ රාජ්‍ය නිලධාරීන් 34,000කට ආසන්න පිරිසකගෙන් ප්‍රමාද ගාස්තු (දඩ මුදල්) අය කර ගැනීමට අල්ලස් හෝ දූෂණ චෝදනා විමර්ශන කොමිෂන් සභාව පියවර ගනිමින් සිටී.
ශිරන්ති රාජපක්ෂ සහ නාමල් රාජපක්ෂ එකට 13දා උසාවියට ඉදිරිපත් කරයි
දැනට රක්‍ෂිත බන්ධනාගාරගත කර සිටින හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය සහ ඇයගේ පුත් පාර්ලිමේන්තු මන්ත්‍රී නාමල් රාජපක්ෂ මහතා යන දෙදෙනාම ලබන 13වැනිදා කොළඹ මහෙස්ත්‍රාත් අධිකරණයේ පැවැත්වෙන නඩු විභාග සඳහා ඉදිරිපත් කිරීමට නියමිතය.
ඤානසාර හිමිට දුන් ජනපති සමාව ගැන රනිල් හෙලි කරයි.. පරාජිකා නොවූ නිසා ජම්පර ගස්සා නෑ..
පූජ්‍ය ගලගොඩඅත්තේ ඥානසාර හිමියන්ට ජනාධිපති සමාව ලබාදීමේ තීරණය ගනු ලැබුවේ මහා සංඝරත්නය, අමාත්‍යවරුන් සහ එවකට ජනාධිපති මෛත්‍රීපාල සිරිසේන මහතා සමඟ පැවති පුළුල් සාකච්ඡාවලින් අනතුරුව බව හිටපු ජනාධිපති රනිල් වික්‍රමසිංහ මහතා ප්‍රකාශ කරයි.
ඉන්ධන මිල වැඩි කරන්නැයි සමාගම් බල කරනවා.. මොකද කරන්නේ..- බලශක්ති ඇමති
ලෝක වෙළෙඳපොළේ ඉන්ධන මිල ඉහළ යාමට සාපේක්ෂව මෙරට ඉන්ධන මිල විශාල වශයෙන් ඉහළ නොදමා රජය පාරිභෝගිකයන්ට උපරිම සහන සලසා ඇති පසුබිමක, මිල වැඩි කරගැනීමේ අරමුණින් පෞද්ගලික සමාගම් ඉන්ධන බෙදාහැරීම සීමා කළහොත් ඔවුන්ට එරෙහිව දැඩි නීතිමය පියවර ගන්නා බව බලශක්ති අමාත්‍ය අනුර කරුණාතිලක මහතා අවධාරණය කරයි.
ප්‍රගීත් එක්නැලිගොඩ ගැන කියන්න සුරේෂ් සලේ අධිකරණයට!
පැහැරගෙන ගොස් අතුරුදන් කළ මාධ්‍යවේදී ප්‍රගීත් එක්නැලිගොඩ සම්බන්ධ නඩුව කොළඹ ස්ථිර ත්‍රිපුද්ගල මහාධිකරණය හමුවේ (09) දින විභාගයට ගත්තේය. එහිදී මෙම නඩුවේ පැමිණිල්ලේ සාක්ෂිකරුවෙකු ලෙස හිටපු බුද්ධි අංශ ප්‍රධානී තුවාන් සුරේෂ් සලේව ඉදිරි නඩු දිනයේදී කැඳවීමට පියවර ගන්නා බව පැමිණිලි පාර්ශවය ත්‍රිපුද්ගල මහාධිකරණ විනිසුරු මඬුල්ලට දැනුම් දුන් බවට වාර්තා වේ.
‘සිවුරට යුක්තිය’ ඤනසාර හිමි වෙනුවෙන් මහනුවරින් පා ගමනක්... දින පහකින් කොළඹට!
බන්ධනාගාරගත කර සිටින පූජ්‍ය ගලගොඩඅත්තේ ඥානසාර හිමියන් වෙනුවෙන් යුක්තිය ඉටුකර ගැනීම සහ මෙරට භික්ෂු ශාසනික අයිතිවාසිකම් සුරක්ෂිත කිරීමේ අරමුණින් සංවිධානය කෙරුණු "සිවුරට යුක්තිය - ජාතික අධිෂ්ඨාන පූජාව" සහ "නිදහසේ පාද යාත්‍රාව" අද (10) උදෑසන මහනුවර ඓතිහාසික ශ්‍රී දළදා මාලිගාව අභියසින් ආරම්භ විය.
