ළමා රෝහලට සී.ටී.ස්කෑනර් යන්ත්‍රයක් පරිත්‍යාග කරන්න කියා ඉතිරිකිරීමේ බැංකුවෙන් ගත් මිලියන 10යේ චෙක් එකෙන් සිරිලිය ‘ටොරිංටන් පෙදෙසින්’ ගෙයක් මිලදී අරගෙන!
රිජ්වේ ආර්යා ළමා රෝහල සඳහා සී.ටී. ස්කෑනර් යන්ත්‍රයක් ලබාගැනීමට ‘කාල්ටන් සුව උදාන’ ව්‍යාපෘතිය විසින් කරන ලද ඉල්ලීමක් මත, ජාතික ඉතිරිකිරීමේ බැංකුව විසින් රුපියල් මිලියන 10ක චෙක්පතක් හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂගේ ප්‍රධානත්වයෙන් යුත් ‘සිරිලිය පදනම’ වෙත නිකුත් කර ඇති බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.
එම මුදල් රෝහල වෙනුවෙන් යොදවනවා වෙනුවට, කොළඹ ටොරිංටන් පෙදෙසින් නිවසක් මිලදී ගැනීම සඳහා වැයකර ඇති බවටද චෝදනා එල්ල වී ඇත.
මෙම දූෂණ චෝදනා සම්බන්ධයෙන් ශිරන්ති රාජපක්ෂ සහ ජාතික ඉතුරුම් බැංකුවේ හිටපු සභාපති ප්‍රදීප් කාරියවසම් යන දෙදෙනා අල්ලස් හෝ දූෂණ චෝදනා විමර්ශන කොමිෂන් සභාව විසින් පසුගිය බදාදා කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කරනු ලැබීය.
මෙම සිද්ධිය සම්බන්ධයෙන් වැඩිදුර පරීක්ෂණ ක්‍රියාත්මක වන අතර, රෝහලක් සඳහා ලබා දුන් අරමුදල් වෙනත් පෞද්ගලික හෝ වෙනත් කටයුතු සඳහා භාවිත කිරීමේ චෝදනාව මත මෙම නඩුව විශේෂ අවධානයට ලක්ව තිබේ.
රට තුළ මේ වන විට සිදුවෙමින් පවතින විවිධ මූල්‍ය වංචා සහ දූෂණ විමර්ශනවල තවත් එක් ප්‍රධාන පරිච්ඡේදයක් ලෙස මෙය සැලකේ.
අල්ලස් කොමිසම විසින් නීතිමය ක්‍රියාමාර්ග අඛණ්ඩව ගෙන යමින් සිටින අතර, අදාළ පාර්ශ්වයන්ගෙන් ඉදිරියේදී වැඩිදුර ප්‍රශ්න කිරීම් සිදුකිරීමට ද නියමිතව ඇත.
රටේ නීතිය හා සාමය තහවුරු කිරීම සඳහා මෙවැනි මූල්‍ය අපරාධ විමර්ශන දැඩි ලෙස ක්‍රියාත්මක කිරීමේ අවශ්‍යතාවය සිවිල් සංවිධාන මෙන්ම මහජනතාව ද අවධාරණය කර සිටිති.
මේ පුවත තව අයට බලන්න
