ශානි අබේසේකර නියෝජ්‍ය පොලිස්පති ධුරයට!

අපරාධ පරීක්ෂණ දෙපාර්තමේන්තුවේ වර්තමාන අධ්‍යක්ෂ ශානී අබේසේකර මහතා 2020 අගෝස්තු මස 25 වන දින සිට ක්‍රියාත්මක වන පරිදි නියෝජ්‍ය පොලිස්පති ධුරයට උසස් කරන ලෙස පරිපාලන අභියාචනා විනිශ්චයාධිකාරය ජාතික පොලිස් කොමිෂන් සභාවට දන්වා තිබේ.

මීට වසර කිහිපයකට පෙර ශානී අබේසේකර මහතා විසින් ඉදිරිපත් කරන ලද පැමිණිල්ලක් දීර්ඝ ලෙස විභාග කිරීමෙන් අනතුරුව මෙම තීන්දුව ලබා දී ඇත.

1986 වසරේදී පොලිස් පරීක්ෂකවරයෙකු ලෙස සේවයට එක්වූ ශානී අබේසේකර මහතා, 2017 සැප්තැම්බර් 7 වන දින අපරාධ පරීක්ෂණ දෙපාර්තමේන්තුවේ (CID) අධ්‍යක්ෂවරයා ලෙස පත් විය.

මෙම නව නියෝගය අනුව, ජාතික පොලිස් කොමිෂන් සභාව විසින් පොලිස්පතිවරයා වෙත මෙම දැනුම් දීම සිදු කිරීමෙන් පසු ශානී අබේසේකර මහතා නියෝජ්‍ය පොලිස්පතිවරයෙකු ලෙස නිල වශයෙන් පත් වනු ඇත.

මේ හේතුවෙන් ඔහු දැනට දරන අපරාධ පරීක්ෂණ දෙපාර්තමේන්තුවේ අධ්‍යක්ෂ ධුරයේ යම් වෙනසක් සිදුවීමට ද ඉඩ ඇත

මේ පුවත තව අයට බලන්න