![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
ලක්ෂ 4190ක බදු සල්ලි කෝ? – පියුමි හංසමාලි සහ තාඹුගලට එරෙහි නඩුවේ අලුත්ම තීරණය
රුපියල් ලක්ෂ 4190කට ආසන්න ආදායම් බදු ගෙවීම පැහැර හැර ඇතැයි කියන නිරූපණ ශිල්පිනී පියුමි හංසමාලි සහ විරංජිත් තාබුගල යන වගඋත්තරකරුවන්ට එරෙහි පැමිණිලි නීතිපති උපදෙස් ලැබෙන තෙක් බහා තබන ලෙස කොළඹ අතිරේක මහෙස්ත්රාත් ඕෂධ මිගාර මහාරච්චි මහතා නියෝග කර ඇත.
දේශීය ආදායම් කොමසාරිස්වරයා විසින් ඉදිරිපත් කළ කරුණු සලකා බැලීමෙන් අනතුරුව මෙම නියෝගය නිකුත් කර ඇති බව වාර්තා වේ.
අදාළ පැමිණිලි දෙක සම්බන්ධයෙන් විමර්ශන අවසන් කර ඇති අතර, ඒවායේ උධෘත ගොනු නීතිපතිවරයා වෙත යොමු කර ඇති බවද අධිකරණයට දැනුම් දී ඇත.
එහිදී වගඋත්තරකාර පියුමි හංසමාලි රුපියල් ලක්ෂ 2250ක බදු මුදල් පැහැර හැර ඇති බවත්, විරංජිත් තාබුගල රුපියල් ලක්ෂ 1940ක බදු මුදල් ගෙවීම පැහැර හැර ඇති බවත් දේශීය ආදායම් කොමසාරිස්වරයා විසින් සඳහන් කර තිබේ.
නීතිඥ දිනේෂ් පෙරේරා මහතා අධිකරණයට දැනුම් දී ඇත්තේ නඩු ගොනු නීතිපතිවරයා වෙත යොමු කර ඇති නමුත් තවමත් උපදෙස් ලැබී නොමැති බවයි.
ඒ අනුව නීතිපති උපදෙස් ලැබෙන තෙක් අදාළ නඩු කටයුතු තාවකාලිකව අත්හිටුවීමට මහෙස්ත්රාත්වරයා නියෝග කර ඇත.
මේ පුවත තව අයට බලන්න
