![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
නඩු දාල තියෙන්නෙ ඇමති කුමාර ජයකොඩිට නම් ඇමතිකමෙන් නෙරපනවා... නමුත් නඩු දාල තියෙන්නෙ ‘නිලධාරි’ කුමාර ජයකොඩිටයි - ජනපති
අධිකරණයේ අධිචෝදනා ගොනු කර ඇත්තේ කුමාර ජයකොඩි ඇමතිවරයාට ඒරෙහිව නම් ඔහුව හෙට දිනයේම අමාත්ය ධුරයෙන් ඉවත් කිරීමට තමන් කටයුතු කරන බව ජනාධිපති අනුර කුමාර දිසානායක මහතා අවධාරණය කරයි.
ජනාධිපති කාර්යාලයේ පැවති මාධ්ය හමුවකදී මාධ්යවේදීන් නැඟූ ප්රශ්නයකට පිළිතුරු දෙමින් ජනාධිපතිවරයා මේ බව සඳහන් කළේය.
මෙහිදී අදහස් දැක්වූ ජනාධිපතිවරයා, කුමාර ජයකොඩි මහතා සම්බන්ධයෙන් මතුව ඇති ගැටලුව ඔහු 2014 වසරේදී රජයේ නිලධාරියෙකු ලෙස කටයුතු කළ සමයේ සිදුවූ ප්රසම්පාදන ක්රියාවලියකට අදාළ එකක් බව පෙන්වා දුන්නේය.
මෙම කරුණ දැනට අධිකරණය හමුවේ පවතින නඩුවක් බැවින් ඒ පිළිබඳව වැඩිදුර විස්තර කිරීමට තමන් අදහස් නොකරන බවද ඔහු පැවසීය.
කෙසේ වෙතත්, අමාත්යවරයාට එරෙහිව පවතින නීතිමය තත්ත්වය පිළිබඳව ජනාධිපතිවරයා සිය ස්ථාවරය පැහැදිලි කළේය.
"ඔහු අමාත්යවරයා හැටියට නම් අධිචෝදනා ලබලා අධිකරණයට ගොනු කරලා තියෙනවා නම්, හෙට මම අමාත්යවරයාව අයින් කරනවා"
එමෙන්ම, මෙවැනි චෝදනා සම්බන්ධයෙන් පරීක්ෂණ පැවැත්වීම සඳහා අල්ලස් කොමිසම වැනි බලයලත් ආයතන පවතින බවත්, ඒවාට විධිමත් පරිදි පරීක්ෂණ සිදු කිරීමට ඉඩ ලබා දෙන බවත් ජනාධිපතිවරයා ප්රකාශ කළේය.
මීට පෙර පැවති පාලන සමයන්හිදී ජනාධිපති ලේකම් කාර්යාලය හරහා කමිටු පත් කර පුද්ගලයන් නිදොස් කොට නිදහස් කිරීමේ (සුද්ධ කිරීමේ) ඉතිහාසයක් තිබුණද, තමන් එවැනි ක්රියාවලියකට සම්බන්ධ නොවන බව ජනාධිපතිවරයා වැඩිදුරටත් අවධාරණය කර සිටියේය.
මේ පුවත තව අයට බලන්න
