පාස්කු ප්‍රහාරය ගැන ඉන්දීය රහස් ඔත්තු සේවයක් ලෙස හිටපු ජනපති මෛත්‍රීට දුරකථන ඇමතුමක් දීලා… සජින්ද වාස් සී.අයි.ඩී. කැඳවයි…

පාස්කු ඉරු දින ප්‍රහාරයේ විමර්ශනයට අදාල ප්‍රකාශයක් ලබා ගැනීම සඳහා හිටපු පාර්ලිමේන්තු මන්ත්‍රී සජින්ද වාස් ගුණවර්ධන අද (08) පෙරවරුවේ අපරාධ පරීක්ෂණ දෙපාර්තමේන්තුවට කැඳවා ඇත. ප්‍රහාර පිළිබඳ පූර්ව අනතුරු ඇඟවීම්වලට සම්බන්ධ බව කියන දුරකථන ඇමතුම් සම්බන්ධයෙන් ප්‍රකාශයක් ලබා දීම සඳහා ගුණවර්ධන   කැඳවා ඇති බව පොලිසිය තහවුරු කළේය. මෙම කැඳවීම හිටපු ජනාධිපති මෛත්‍රිපාල සිරිසේන විසින් ලබා දුන් ප්‍රකාශයකට සම්බන්ධ විමර්ශනයක දිගුවකි.

ඉදිරියේදී එල්ල වන පාස්කු ඉරුදින ත්‍රස්ත ප්‍රහාර පිළිබඳව අනතුරු අඟවමින් ඉන්දීය බුද්ධි සේවාවකින් තමාට ඇමතුම් ලැබුණු බව   හිටපු ජනාධිපති මෛත්‍රීපාල සිරිසේන   මීට පෙර  සාක්ෂි ලබා දීමෙන් තහවුරු  කළේය. එම අනතුරු ඇඟවීම ලැබුණු දුරකථන අංකය සම්බන්ධව කළ විමර්ශනයක දී ඉන්දීය බුද්ධි අංශයක් ලෙසින්  මෙම පූර්ව අනතුරු ඇඟවීමේ ඇමතුම් හිටපු ජනාධිපතිවරයාට  ලබා දීමට  සජින් වාස් ගුණවර්ධන සම්බන්ධ බවට සාක්ෂි මතු වූයේ යැයි විමර්ශකයින් අනාවරණය කළේය.

මේ  සම්බන්ධයෙන් CID නිලධාරීන් මේ වන විට ඔහුගේ ප්‍රකාශය සටහන් කර ගනිමින් සිටී.

පල්ලි සහ හෝටල් ඉලක්ක කරගත් පාස්කු ඉරිදා බෝම්බ ප්‍රහාරය ශ්‍රී ලංකාවේ ඉතිහාසයේ සිදුවූ බිහිසුණුම ත්‍රස්ත ප්‍රහාරවලින් එකක් ලෙස සැලකේ. නව ඉඟි අනාවරණය කර ගනිමින් පරීක්ෂණ දිගටම කරගෙන බව විමර්ශන අංශ පවසයි.

-lankasara