ෂාරුක් කාන් කොළඹ ගමන අවලංගු කරයි..

සිටි ඔෆ් ඩ්‍රීම්ස් ශ්‍රී ලංකා සමාරම්භක උත්සවයේ ප්‍රධාන ආකර්ෂණයක් ලෙස සැලසුම් කර තිබූ බොලිවුඩ් සුපිරි නළු ෂාරුක් ඛාන්ගේ පැමිණීම, පෞද්ගලික හේතුන් මත අවලංගු කර තිබේ. සිටි ඔෆ් ඩ්‍රීම්ස් ශ්‍රී ලංකා ප්‍රකාශකයෙකු සඳහන් කළේ, ෂාරුක් ඛාන්ගේ සහභාගීත්වය අවලංගු වුවද, සමාරම්භක උත්සවය සැලසුම් කළ පරිදිම අති උත්කර්ෂවත් අයුරින් පැවැත්වෙන බවයි.

ඉදිරි දින කිහිපය තුළ දේශීය හා ජාත්‍යන්තර කලාකරුවන් රැසකගේ සහභාගීත්වයෙන් යුත් විශේෂ වැඩසටහන් පෙළක් එළිදැක්වීමට නියමිත බවද ඔහු කියා සිටියේය.

“මෙම අවස්ථාව ශ්‍රී ලංකාව ලෝක මට්ටමේ විනෝදාස්වාදය සඳහා ගෝලීය වශයෙන් පිළිගත් ගමනාන්තයක් බවට පත්වීමේ ගමනේ සන්ධිස්ථානයක් බවට පත් කිරීමට අපි කැපවී සිටිනවා” යැයිද ඔහු වැඩිදුරටත් පැවසීය.

“ෂාරුක් ඛාන් මහතා ශ්‍රී ලංකාවට පිළිගැනීමට බොහෝ දෙනෙක් බලාපොරොත්තුවෙන් සිටි බව අප තේරුම් ගන්නවා. අපිත් ඒ බලාපොරොත්තු කඩවීම පිළිබඳව කනගාටු වෙනවා. ඔහුගේ අඛණ්ඩ සහයෝගයට සහ සුබ පැතුම් වලට අපි අවංකවම ස්තූතිවන්ත වන අතර, නුදුරු අනාගතයේදී ඔහු සිටි ඔෆ් ඩ්‍රීම්ස් ශ්‍රී ලංකාවට පිළිගැනීමට අපි බලාපොරොත්තු වෙනවා” යනුවෙන් සිටි ඔෆ් ඩ්‍රීම්ස් ශ්‍රී ලංකා ප්‍රකාශකයා වැඩිදුරටත් ප්‍රකාශ කළේය.

මෙම සිදුවීම සම්බන්ධයෙන් WizCraft නම් වූ ෂාරුක් ඛාන්ගේ කළමනාකරණ ආයතනය විසින් නිකුත් කරන ලද නිවේදනයේ මෙසේ සඳහන් වේ:

“අප බෙදා ගැනීමට කැමතියි ෂාරුක් ඛාන් මහතාට මුලින් සැලසුම් කළ පරිදි සිටි ඔෆ් ඩ්‍රීම්ස් ශ්‍රී ලංකාවේ සමාරම්භක උත්සවයට සහභාගී වීමට නොහැකි වන බව, එය පාලනය කළ නොහැකි අනපේක්ෂිත පෞද්ගලික හේතුන් මත සිදු වූවකි. ශ්‍රී ලංකාව සහ එහි අපූරු ජනතාව ඛාන් මහතාගේ හදවතේ විශේෂ තැනක් ගෙන සිටින අතර, මෙම උත්සවයේ කොටසක් වීමට ඔහු සැබවින්ම උනන්දු විය. ඔහුට සහභාගී වීමට නොහැකි වීම පිළිබඳව කනගාටු වන අතර, සිටි ඔෆ් ඩ්‍රීම්ස් ශ්‍රී ලංකා කළමනාකාරීත්වයට සහ ඔහුගේ යහපත පතන්නන්ට ඔවුන්ගේ අතිමහත් උද්යෝගය සහ සහයෝගය වෙනුවෙන් හෘදයාංගම කෘතඥතාව පළ කරයි. නුදුරු අනාගතයේදී ඛාන් මහතාට ශ්‍රී ලංකාවට පැමිණීමට අවස්ථාවන් ලැබෙනු ඇතැයි අපි බලාපොරොත්තු වෙමු.”