අනුරාධපුර දිස්ත්‍රික් මන්ත්‍රීවරුන් වන මහාචාර්ය චන්න ජයසුමන සහ කුමාරසිරි රත්නායක මෙම වැඩසටහන සංවිධානය කර තිබූ අතර ඒ සඳහා සහභාගී නොවන ලෙස ශ්‍රී ලංකා පොදුජන පෙරමුණේ ප්‍රාදේශීය දේශපාලනඥයන්ට ඉහලම මට්ටමින් විවිධ බලපෑම් එල්ල වී තිබුණි.
කෙසේ නමුත් අනුරාධපුර ආරංචි මාර්ග පවසන ආකාරයට ප්‍රාදේශීය දේශපාලනඥයන් ගණනාවක් හොර රහසේම ඩලස්- GL හමුවීම සඳහා වෙලාවල් වෙන් කරගෙන තිබුණි. මේ නිසා එක දිනක් වැඩියෙන් අනුරාධපුරයේ නැවතීමට ඩලස්- GL කණ්ඩායමට සිදු වූ බවද වාර්තා වෙයි.
ඉදිරි මැතිවරණයකදී පොහොට්ටුවෙන් තරග කිරීමට නොහැකි බවත් වෙනත් දේශපාලන ව්‍යාපාරයක් අවශ්‍ය බවත් ඒ බොහෝ දෙනාගේ අදහස වී ඇත.
ඉදිරි දිරි මැතිවරණයකදී නව දේශපාලන සංධානයකින් තරග කිරීමට කැමති බව පොහොට්ටුවේ ප්‍රාදේශීය දේශපාලකයන් රැසක් පවසා ඇත.
ඩලස්-GL කණ්ඩායම හමු නොවන ලෙස කුමන බලපෑම් කළ ද ඒවා නොසලකමින් ඔවුන් මුණ ගැසීමට ගිය ප්‍රාදේශීය දේශපාලනඥයින්ට අනුරාධපුර තවත් දේශපාලන ප්‍රධානියෙක් බැන වැදී ඇති බව ද වාර්තා වේ.
