හරක් කටා සහ කෙහෙල්බද්දර පද්මේ බන්ධනාගාරයේදී ගැටෙයි - ගුටි කෑ පද්මේ රෝහලට!
බන්ධනාගාරය තුළ ප්රධාන පෙළේ සංවිධානාත්මක අපරාධකරුවන් දෙදෙනෙකු වන නඳුන් චින්තක වික්රමරත්න හෙවත් 'හරක් කටා' සහ මන්දිනු පද්මසිරි හෙවත් 'කෙහෙල්බද්දර පද්මේ' අතර ඇති වූ ගැටුමකින් තුවාල ලැබූ කෙහෙල්බද්දර පද්මේ වැලිකඩ බන්ධනාගාර රෝහල වෙත මාරු කර යවා ඇති බව පොලිසිය තහවුරු කරයි.
බන්ධනාගාර දෙපාර්තමේන්තු ආරංචි මාර්ග සඳහන් කරන ආකාරයට, මෙම ගැටුමේදී සුළු තුවාල ලැබූ 'කෙහෙල්බද්දර පද්මේ' මුලින් වැලිසර බන්ධනාගාර රෝහලට ඇතුළත් කර ඇති අතර, අනතුරුව ආරක්ෂක හා වෛද්ය හේතූන් මත ඔහුව වැලිකඩ බන්ධනාගාර රෝහල වෙත මාරු කර යැවීමට පියවර ගෙන ඇත. අධිආරක්ෂිත බන්ධනාගාර පරිශ්රයක් තුළ මෙවැනි ප්රධාන පෙළේ අපරාධකරුවන් අතර ගැටුම් හටගැනීම බන්ධනාගාර ආරක්ෂාව සහ රැඳවියන්ගේ කළමනාකරණය සම්බන්ධයෙන් බරපතල ප්රශ්නාර්ථ මතු කර තිබේ.
මෙම සිදුවීමත් සමඟ බන්ධනාගාර අභ්යන්තර ආරක්ෂාව තර කිරීම සඳහා බලධාරීන් දැඩි පියවර ගැනීමට අපේක්ෂා කරන අතර, මෙම ගැටුමට මුහුණ පෑ පාර්ශ්වයන් සහ එයට සම්බන්ධ පසුබිම පිළිබඳව බන්ධනාගාර අධිකාරිය මඟින් පුළුල් හා විමර්ශනාත්මක පරීක්ෂණයක් මේ වන විටත් ක්රියාත්මක කරමින් පවතී.
මේ පුවත තව අයට බලන්න
