Breaking News : ශ්‍රී ලංකන් හිටපු ප්‍රධානී කපිල චන්ද්‍රසේන සිය නිවසේදී අබිරහස් ලෙස මිය යයි

ශ්‍රී ලංකන් ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේන මහතා කොල්ලුපිටියේ පිහිටි ඔහුගේ නිවසේදී සැකකටයුතු ලෙස මියගොස් සිටියදී හමුවූ බව පොලිසිය පවසයි.

මෙම මරණය සිදුව ඇත්තේ, චන්ද්‍රසේන මහතා විසින් අධිකරණයට ඉදිරිපත් කළ ඇපකරුවන් නුසුදුසු බවට එල්ල වූ චෝදනා මත, ඔහුට එරෙහිව කොළඹ ප්‍රධාන මහේස්ත්‍රාත් අසංග එස්. බෝදරගම මහතා විසින් අත්අඩංගුවට ගැනීමේ වරෙන්තුවක් නිකුත් කර දිනක් ගතවීමටත් පෙරය.

අල්ලස් හෝ දූෂණ චෝදනා විමර්ශන කොමිෂන් සභාව මීට පෙර අධිකරණයෙන් ඉල්ලා සිටියේ චන්ද්‍රසේන මහතාට ලබාදී ඇති ඇප අවලංගු කර නඩු විභාගය අවසන් වන තෙක් ඔහු රිමාන්ඩ් බන්ධනාගාරගත කරන ලෙසයි.

නුසුදුසු ඇපකරුවන් දෙදෙනෙකු ඉදිරිපත් කිරීම මගින් ඔහු අධිකරණය තැබූ විශ්වාසය කඩකර ඇති බව කොමිසම චෝදනා කර තිබුණි.

පොලිසිය පවසන්නේ මෙම අබිරහස් මරණය සම්බන්ධයෙන් විමර්ශනයක් ආරම්භ කර ඇති බවයි.