විශේෂ වාහන අංක තහඩු විකුණා RMVය කෝටි 118ක් උපයයි: එක් අංකයක් ලක්ෂ 10යි! ගැසට් නැතිව වසර 3ක් කළ අංක වෙළඳාමට පාර්ලිමේන්තු කාරක සභාවේ නිල අනුමැතිය හිමිවෙයි

මෝටර් රථ ප්‍රවාහන දෙපාර්තමේන්තුව විසින් වාහන සඳහා නිකුත් කරනු ලබන විශේෂිත අංක වෙන්කර දීමෙන් පසුගිය වසර හතරක කාලය තුළ රුපියල් කෝටි 118ක දැවැන්ත ආදායමක් උපයා ඇති බව අනාවරණය වේ. රජයේ මුදල් පිළිබඳ පාර්ලිමේන්තු කාරක සභාවේදී මෝටර් රථ ප්‍රවාහන නිලධාරීන් මේ බව සඳහන් කළ අතර, එක් විශේෂිත අංකයක් වෙන්කරවා ගැනීම සඳහා රුපියල් දශ ලක්ෂයක (ලක්ෂ 10ක) ගාස්තුවක් අය කෙරේ.