හැකරුන් දමා භාණ්ඩාගාරයේ මුදල් සොරකම් කලේ රාජපක්‍ෂලා!

මහ භාණ්ඩාගාරයෙන් ඩොලර් මිලියන 2.5ක් සොරකම් කිරීම රාජපක්ෂවරුන්ගේ සමීපතමයන් විසින් ආයතන තුළ සිට සිදුකරන ලද බරපතල කුමන්ත්‍රණයක ප්‍රතිඵලයක් බව ශ්‍රී ලංකා කම්කරු ජනතා පෙරමුණේ සභාපති චමීර පෙරේරා මහතා පවසයි.

මෙම මූල්‍ය වංචාව සම්බන්ධයෙන් විමර්ශන සිදුකළ යුතු බව අවධාරණය කරන ඔහු, මෙය ආයතන අභ්‍යන්තරයේ සිට ක්‍රියාත්මක වන කුමන්ත්‍රණකරුවන්ගේ වැඩක් බවට චෝදනා කරයි.

චමීර පෙරේරා මහතා වැඩිදුරටත් පෙන්වා දෙන්නේ රාජපක්ෂවරුන්ගේ සහචරයන් විවිධ රාජ්‍ය ආයතන අත්පත් කරගෙන සිටින බවත්, ඔවුන්ගේ අරමුණ වී ඇත්තේ දැනට පවතින විමර්ශන දුර්වල කිරීම සහ ඒවා වෙනතකට යොමු කිරීම බවත්ය.

රුපියල් කෝටි 800ක පමණ වංචා සම්බන්ධයෙන් චෝදනා ලැබූවන් පවා නිදහසේ සිටිමින් මෙවැනි මූල්‍ය කොල්ලයන් පිළිබඳව කතා කරන තත්ත්වයක් උදා වී ඇති බවත් ඔහු පවසයි.

පාස්කු ප්‍රහාරය වැනි ම්ලේච්ඡ අපරාධවල මුල් බැසගත් ස්ථාන මෙවැනි සිදුවීම් හරහා හෙළිදරව් වෙමින් පවතින බවත්, මෙම සහසික අපරාධකරුවන් හෙළිදරව් කිරීමේ ක්‍රියාවලිය යටපත් කිරීමට දැවැන්ත ව්‍යායාමයක් ක්‍රියාත්මක වන බවත් ඔහු වැඩිදුරටත් සඳහන් කළේය.

ඒ් මහතා මෙම අදහස් පල කරන ලද්දේ මාධ්‍ය හමුවක් අමතමිනි.

මේ පුවත තව අයට බලන්න