![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
විජිතට ඉංග්රිසි බෑ තමයි... කදිරගාමර් එක්ක සසදා කිච කිරීම වැරදියි - නිර්මාල්
ඉන්දියාවේ පැවැති 'රයිසිනා ඩයලොග්' (Raisina Dialogue) සමුළුවේදී විදේශ අමාත්ය විජිත හේරත් මහතා සිදුකළ ඉංග්රීසි කතාව සහ ඔහුගේ භාෂා හැසිරවීම සම්බන්ධයෙන් සමාජ මාධ්ය ඔස්සේ එල්ල වන විවේචන, හුදෙක් භාෂා ප්රශ්නයක් නොව සැලසුම් සහගත ප්රභූවාදී දේශපාලන ප්රහාරයක් බව ආචාර්ය නිර්මාල් රංජිත් දේවසිරි මහතා පවසයි.
තම යූටියුබ් නාලිකාව ඔස්සේ අදහස් දක්වමින් ඔහු පෙන්වා දෙන්නේ, මෙය ආණ්ඩුව අපහසුතාවයට පත් කිරීම සඳහා විපක්ෂය සහ ඇතැම් කණ්ඩායම් විසින් සොයාගත් අලුත්ම 'බයිට් එක' බවයි.
ලක්ෂ්මන් කදිරගාමර් වැනි ඉහළ ප්රභූ පවුල්වලින් පැමිණි, ඉංග්රීසි භාෂාව මනාව උච්චාරණය කළ හැකි නායකයන් සහ විජිත හේරත් මහතා වැනි සාමාන්ය පවුල් පසුබිමකින් පැමිණි නායකයන් සංසන්දනය කිරීම යුක්තිසහගත නොවන බව ආචාර්යවරයා පෙන්වා දෙයි.
ඉංග්රීසි භාෂාව උච්චාරණය කිරීමේ හැකියාව ලංකාවේ පවතින එක්තරා 'ප්රභූ දේශපාලන පන්තියක' (Political Class) අනන්යතාවක් වී ඇති බවත්, විජිත හේරත් හෝ සුනිල් හඳුන්නෙත්ති වැනි නායකයන් නියෝජනය කරන්නේ එම ප්රභූ පන්තියට අයත් නොවන නව දේශපාලන පන්තියක් බවත් ඔහු පවසයි.
මීට පෙර සිටි ඉංග්රීසි උගත් ප්රභූ පාලකයන් රට මෙහෙයවීමට අසමත් වූ නිසා, ජනතාව විසින් මෙම නව කණ්ඩායම තෝරාගත් බවත්, ඒ නිසා ඉංග්රීසි උච්චාරණය දඩමීමා කරගෙන සිදුකරන මෙම 'කිච කිරීම්' මහජන වරමට එරෙහිව සිදුකරන්නක් බවත් දේවසිරි මහතා පවසයි.
"ඉංග්රීසි දන්න කට්ටිය ජනතාව ප්රතික්ෂේප කරා" යැයි පවසන ඔහු, භාෂා දැනුම මත පමණක් පදනම්ව නායකයන් තෝරාගැනීම කොන්දේසියක් නොවිය යුතු බව අවධාරණය කරයි.
මෙම විවේචන පිටුපස විජිත හේරත් මහතාගේ ඉංග්රීසි දැනුම වැඩිදියුණු කිරීමේ අවංක වුවමනාවක් නැති බවත්, ඒ වෙනුවට ආණ්ඩුවට 'කුරුමිට්ටන්' ලෙස හංවඩු ගසා ඔවුන් අසමත් බව පෙන්වීමට උත්සාහ කරන 'තක්කඩි වැඩක්' ක්රියාත්මක වන බවත් ඔහු වැඩිදුරටත් සඳහන් කරයි.
බැසිල් රාජපක්ෂ වැනි අතීත දේශපාලනඥයන්ට ද මෙවැනිම භාෂා ගැටලු තිබූ නමුත්, වර්තමානයේ මෙම ප්රශ්නය උලුප්පා දක්වන්නේ දේශපාලන කඳවුරු අතර පවතින ගැටුමක් නිසා බව ඔහුගේ මතයයි.
අවසාන වශයෙන් ඔහු පවසන්නේ, විජිත හේරත් මහතාට ඉංග්රීසි නොහැකි වීම සම්බන්ධයෙන් ලැජ්ජා විය යුතු නැති බවත්, මෙම ප්රභූවාදී මතවාදයන්ට දේශපාලනිකව අනුකම්පා විරහිතව පහර දිය යුතු බවත්ය.
මේ පුවත තව අයට බලන්න
