ඉරානය න්‍යෂ්ටික බලාගාරයක් පුපුරුවන්න සැරසේ!

ඇමරිකා එක්සත් ජනපදය හෝ ඊශ්‍රායලය එක්ව ඉරාන ඉස්ලාමීය ජනරජයේ පාලන තන්ත්‍රය වෙනස් කිරීමට උත්සාහ කළහොත්, ඊශ්‍රායලයේ පිහිටි 'ඩිමෝනා' (Dimona) න්‍යෂ්ටික මධ්‍යස්ථානය ඉලක්ක කර ප්‍රහාර එල්ල කරන බවට ඉරානය දැඩි අනතුරු ඇඟවීමක් කර තිබේ.

ඉරාන හමුදා නිලධාරියෙකු උපුටා දක්වමින් එරට අර්ධ රාජ්‍ය පුවත් ඒජන්සියක් වන ISNA පුවත් සේවය බදාදා දින මේ බව වාර්තා කළේය. මැදපෙරදිග කලාපයේ පවතින උණුසුම් දේශපාලන වාතාවරණය හමුවේ ඉරානය විසින් නිකුත් කරන ලද මෙම ප්‍රකාශය ජාත්‍යන්තර අවධානයට ලක්ව ඇත.

ඉරානය අවධාරණය කරන්නේ තම රටේ ස්වෛරීභාවයට හෝ දේශපාලන ස්ථාවරත්වයට එරෙහිව එල්ල වන ඕනෑම බාහිර මැදිහත්වීමකට දැඩි ප්‍රතිප්‍රහාර එල්ල කරන බවයි.

මේ පුවත තව අයට බලන්න