Breaking : හිටපු ජනාධිපති ගෝඨාභය රාජපක්ෂ අල්ලස් කොමිසමට පැමිණෙයි

හිටපු ජනපති ගෝඨාභය රාජපක්ෂ මහතා අද(17) අල්ලස් කොමිසමට පැමිණ තිබෙනවා.

අල්ලස් කොමිසම විසින් සිදු කරනු ලබන විමර්ශනයකට අදාළව ඔහුට මෙම කැඳවීම ලැබී ඇති අතර, මීට පෙර පෙබරවාරි මාසයේදී සිංගප්පූරු සංචාරයක් හේතුවෙන් පැමිණීමට නොහැකි බව ලිඛිතව දන්වා තිබුණි.

මාර්තු 17 වන අද දිනයට ඔහු කොමිසම හමුවට පැමිණීම සිදු වූ බව වාර්තා වේ.

මෙම කැඳවීම සම්බන්ධයෙන් නිශ්චිත චෝදනා හෝ විමර්ශනයේ විස්තර කොමිසම විසින් තවමත් ප්‍රසිද්ධියට පත් කර නොමැත.

හිටපු ජනාධිපතිවරයා මීට පෙරද CIABOC හමුවට කැඳවීම් ලැබී තිබුණු අතර, රාජපක්ෂ පවුලේ සමහර සාමාජිකයන්ටද මෑතකදී අල්ලස් චෝදනා සම්බන්ධයෙන් විමර්ශන එල්ල වී තිබේ.

කොමිසමේ නිලධාරීන් මෙම සිදුවීම සම්බන්ධයෙන් වැඩිදුර ප්‍රකාශයක් නිකුත් කර තිබේද යන්න තවමත් තහවුරු වී නොමැත.

මේ පුවත තව අයට බලන්න