අමරකීර්ති අතුකෝරල ඝාතනයට වරකරුවන් වූ අයට ජනාධිපති සමාව දෙන්නැයි ෆොන්සේකා ඉල්ලයි

හිටපු පාර්ලිමේන්තු මන්ත්‍රී අමරකීර්ති අතුකෝරල සහ ඔහුගේ ආරක්ෂක නිලධාරියාගේ ඝාතනය සම්බන්ධයෙන් මරණ දඬුවම නියම වූ පුද්ගලයන්ට සමාව ලබාදෙන ලෙස ෆීල්ඩ් මාර්ෂල් සරත් ෆොන්සේකා ජනාධිපතිවරයාගෙන් විශේෂ ඉල්ලීමක් කර තිබේ.

කොළඹ පැවති විශේෂ මාධ්‍ය හමුවකදී අදහස් දක්වමින් ෆොන්සේකා ඉල්ලා සිටියේ සිද්ධිය සම්බන්ධයෙන් මරණ දඬුවම නියම වූ තරුණයන්ට සමාව ලබාදෙන ලෙසයි.

එවැනි පුද්ගලයන් මරණ දඬුවමෙන් නිදහස් කිරීම ජනාධිපතිවරයාට තනි අත්සනකින් ක්‍රියාත්මක කළ හැකි බව ඔහු පැවසීය.

“අමරකීර්ති ඝාතනය සම්බන්ධයෙන් මරණ දඬුවම නියම වූ තරුණයන්ට සමාව ලබා දිය යුතුයි. එවැනි පුද්ගලයන් මරණ දඬුවමෙන් නිදහස් කිරීම ජනාධිපතිවරයාට එක පෑන් පහරකින් කළ හැකියි,” ඔහු පැවසීය.

ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රීවරයකු වන අතුකෝරල සහ ඔහුගේ ආරක්ෂක නිලධාරියාගේ ඝාතනය සම්බන්ධයෙන් වරදකරුවන් බව ඔප්පු කිරීමෙන් පසු ගම්පහ මහාධිකරණ ත්‍රිපුද්ගල විනිසුරු මඩුල්ලක් පසුගිය සතියේ පුද්ගලයන් 12 දෙනෙකුට මරණ දඬුවම නියම කළේය.

මේ පුවත තව අයට බලන්න