![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
අපිව බොරු නඩු වලට පටලවන්න හදනවා... අපි ඔක්කොම එකතු වෙමු - හිටපු ජනපති
අපි හැම එක්කෙනාටම එක එක චෝදනා දාලා එක එක නඩුවලට පටලවන්න හදන බැවින් මේ සඳහා විපක්ෂය එකතුවෙලා කටයුතු කිරීමට තමාගේ උපරිම සහයෝගය ලබාදෙන බව හිටපු ජනාධිපති රනිල් වික්රමසිංහ සඳහන් කරයි.
දේශපාලන පක්ෂවල ක්රියාකාරිත්වය සහ සමාජ මාධ්ය ක්රියාකාරීන්ගේ නිදහස සීමා කිරීමට ආණ්ඩුව කටයුතු කරමින් සිටින බවත් විවිධ නඩු පවරමින් විපක්ෂය අඩපණ කිරීමට උත්සාහ දරන බවද හිටපු ජනාධිපති රනිල් වික්රමසිංහ සඳහන් කරයි.
පවතින මතවාදී වෙනස්කම් පසෙක තබා, ජනතාවගේ අයිතිවාසිකම් සහ රටේ සංස්කෘතිය ආරක්ෂා කර ගැනීම වෙනුවෙන් විපක්ෂයේ සියලු කණ්ඩායම් සමඟ එක්ව කටයුතු කිරීමට තමන් සූදානම් බවද හිටපු ජනාධිපති රනිල් වික්රමසිංහ සඳහන් කරයි.
හිටපු ජනාධිපති රනිල් වික්රමසිංහ සඳහන් කළේ,
“අද තර්ජන ඇවිල්ලා තියෙනවා. ඒ තර්ජන වලට අපි මුහුණ දෙන්න ඕන. අපි දැකලා තියෙනවා එක එක පුද්ගලයන්ට සිදුවෙලා තියෙන හානිය. අපි හැම එක්කෙනාට වාගේ එක එක චෝදනා දාලා එක එක නඩුවලට පටලවන්න හදනවා. ඒනිසා මේ සඳහා අපි එකතුව ක්රියා කරමු. මගෙත්, මේ පක්ෂයෙත් සම්පුර්ණ සහයෝගය තියෙනවා.”
කොළඹ මල්පාරේ පිහිටි එක්සත් ජාතික පක්ෂ කාර්යාලයේදී (25) දින විපක්ෂයේ පක්ෂ නායකයන් සමඟ පැවැති සාකච්ඡාවේදී හිටපු ජනාධිපති රනිල් වික්රමසිංහ මේ බව සඳහන් කරයි.
මේ පුවත තව අයට බලන්න
