යම් දෙයක් සිදුවීමට නියමිතයි වගේ!! මැදපෙරදිග නොසන්සුන්තාවය හමුවේ ලුෆ්තන්සා ගුවන් ගමන් අවලංගු කරයි

භූදේශපාලනික ආතතීන් සැලකිය යුතු ලෙස ඉහළ යාමත් සමඟ, ඊශ්‍රායලය, ඇමරිකා එක්සත් ජනපදය සහ ඉරානය සම්බන්ධ ක්ෂණික යුද ගැටුමක් ඇතිවීමේ බිය මධ්‍යයේ, ලුෆ්තන්සා (Lufthansa) ගුවන් සේවය ටෙල් අවිව් සහ රියාද් ඇතුළු මැදපෙරදිග ප්‍රධාන ගමනාන්ත වෙත සිය ගුවන් ගමන් අවලංගු කිරීමට පියවර ගෙන ඇත.

බ්‍රිටිෂ් එයාර්වේස් (British Airways), KLM සහ එයාර් ෆ්‍රාන්ස් (Air France) යන ගුවන් සේවාවන් විසින් දැනටමත් ගනු ලැබූ ක්‍රියාමාර්ග අනුගමනය කරමින් ලුෆ්තන්සා ආයතනයද මෙම තීරණය ගෙන තිබේ. ඉරාකය, ඉරානය සහ ගල්ෆ් කලාපයට ඉහළින් ඇති ගුවන් සීමාවන් භාවිතයෙන් වැළකී සිටීමට ගුවන් සමාගම් කටයුතු කිරීම නිසා මේ වන විට ප්‍රධාන පෙළේ "ගුවන් ගමන් අවුල් සහගත තත්ත්වයක්" (Travel Chaos) නිර්මාණය වී ඇත.

මෙම අවලංගු කිරීම් සඳහා රියාද් (Riyadh) නගරයද ඇතුළත් කිරීම විශේෂත්වයක් වන අතර, එමඟින් පෙනී යන්නේ තර්ජනය ඊශ්‍රායලය සහ ලෙබනනයට පමණක් සීමා නොවී සමස්ත ගල්ෆ් කලාපය දක්වාම ව්‍යාප්ත වී ඇති බවයි. බුද්ධි අංශ තොරතුරු අනුව කලාපය තුළ ඕනෑම මොහොතක ප්‍රබල මිලිටරි ප්‍රහාරයක් එල්ල වීමේ හැකියාව ඇති බව මෙම පූර්ව ආරක්ෂිත පියවරයන් හරහා විශ්ලේෂකයින් පෙන්වා දෙයි.

FB : Bee3

මේ පුවත තව අයට බලන්න