අලුත් පෙලපොත් LGBTQ+ කොඩියේ පාට රටාවම ගනී...

නව අධ්‍යාපන ප්‍රතිසංස්කරණ යටතේ හඳුන්වා දී ඇති පාසල් පෙළපොත් කිහිපයක නිර්මාණකරණය සඳහා භාවිත කර ඇති වර්ණ සංයෝජනයන් පිළිබඳව වර්තමානයේ සමාජ මාධ්‍ය ජාලා ඔස්සේ කතාබහක් සහ විවේචනයක් මතු වී තිබේ.

අදාළ චෝදනා නගන පාර්ශ්වයන් පෙන්වා දෙන්නේ මෙම පෙළපොත්වල කවර සඳහා යොදාගෙන ඇති වර්ණ රටා, ලොව පුරා සමලිංගික (LGBTQ+) ප්‍රජාව නියෝජනය කිරීම සඳහා භාවිත කරන වර්ණාවලියට (Rainbow flag) සමානකමක් දක්වන බවයි.

පෙළපොත් සැලසුම් කිරීමේදී භාවිත කර ඇති වර්ණ තේරීම හුදෙක් අහම්බයක් නොවන බවට සමාජ මාධ්‍ය ක්‍රියාකාරීන් තර්ක කරති.

කුඩා දරුවන්ගේ මනසට වක්‍රව මෙවැනි සංකේත හුරු කිරීම තුළින් සංස්කෘතිකමය ගැටලු මතු විය හැකි බවට විවේචකයෝ කියති.

අධ්‍යාපන ප්‍රතිසංස්කරණ ක්‍රියාවලියේ විනිවිදභාවය සහ පෙළපොත් අනුමත කිරීමේ ක්‍රියාවලිය පිළිබඳවද මෙහිදී ප්‍රශ්න මතු කර ඇත.