රන්වලලා උදේ හතරේ හිටං රෑ 12-1ටත් දිගටම වැඩ… අනතුර වුණේ හොඳ වාහනයක් නොදුන් නිසායි…!

ගම්පහ දිස්ත්‍රික්කය හදිසි ආපදා තත්ත්වයට මුහුණපෑ නිසා අශෝක රන්වල ඇතුළු මන්ත්‍රීවරුන්ට දැඩි ලෙස වෙහෙසී වැඩ කිරීමට සිදුව ඇතැයි මාධ්‍යවේදී භාරත ප්‍රභාෂණ තෙන්නකෝන් පවසයි.

උදේ 4.30-5ට අවදි වන මන්ත්‍රීවරයෙක් නැවත රාත්‍රී 12-1ට නින්දට යන තුරු එක දිගට වෙහෙසි රාජකාරී කරන බව ද එම කටයුතු අතර ඔහුට රියදුරාගේ කාර්යභාරය ද ඉටු කිරීමට සිදුවීම තෙහෙට්ටු සහ මහන්සි කාර්යයක් බව පිළිගත යුතු බව ද ඔහු පෙන්වා දෙයි.

මන්ත්‍රීවරුන්ට හොඳ වැටුපක්, හොඳ වාහනයක්, රියදුරෙක් සහ ආරක්ෂාවක් අවශ්‍ය බව තමන් හැමදාම කීවේ එම නිසා බව ද භාරත තෙන්නකෝන් අවධාරණය කරයි.

ඒ වරප්‍රසාද භාවිත නොකර සරල බවක් පෙන්නීම සඳහා කටයුතු කිරීමෙන් මෙවැනි තත්ත්වයක් උදාවී ඇති බවත් අධික වැඩ සහ ආචාර්ය උපාධි ප්‍රශ්නය නිසා රන්වල වැනි දුර්වල අයකුට පීඩනය දරාගත නොහැකි බව ද ඔහු පෙන්වා දෙයි.

ජනාධිපතිවරයාගේ සමීපතම හිතවතෙකු වන භාරත ප්‍රභාෂණ තෙන්නකෝන් අන්තර්ජාලයට වීඩියෝවක් මුදා හරිමින් මේ බව ප්‍රකාශ කරයි.