පාතාලයන් ඉන්දියාවට පැන්නීම පසුපස ‘සහෝදර සමාගමක්’…! මහමොළකරු ආනන්දන්..! එක වැඩකට ගාණ ලක්ෂ 10යි..! දැනටමත් ලංකාවේ පාතාලයන් 100ක් විතර ඉන්දියාවට පන්නලා..!

Gossip Lanka Hot News පාතාල අප­රා­ධ­ක­රු­වන්, මත්කුඩු ජාවා­ර­ම්ක­රු­වන් සහ වෙනත් අප­රා­ධ­ව­ලට සම්බන්ධ පුද්ග­ල­යන් නීති­ වි­රෝ­ධීව බෝට්ටු මඟින් ඉන්දි­යා­වට රැගෙන යෑමේ ජාලය හඳුනා ගැනී­මට කොළඹ අප­රාධ කොට්ඨා­සය සමත්ව තිබේ. මෙම ජාල­යට සම්බ­න්ධව සිටින්නේ ඉන්දියා‍වේ සිට මුහුදු මාර්ග ඔස්සේ මෙර­ටට කේරළ ගංජා රැගෙන එන සහෝ­දර කණ්ඩා­ය­මකි. පාතා­ල­යට සම්බන්ධ ප්‍රබල අප­රා­ධ­ක­රු­වන් මෙන්ම පාතා­ලයේ වෙඩි­ක්ක­රු­වන් ඇතුළු 100ක පමණ පිරි­සක් පසු­ගිය වසර කිහි­පය තුළ මෙම කණ්ඩා­යමේ මැදි­හ­ත්වීම මත ඉන්දි­යා­වට පන්නා ඇති බව ද පෙනී ගොස් ඇත.

මෙම සහෝ­දර කණ්ඩාය‍මේ සහෝ­ද­ර­යන් දෙ‍ෙද­නෙක් කේරළ ගංජා ජාවා­රම් සම්බ­න්ධ­යෙන් රක්ෂිත බන්ධ­නා­ගා­ර­ගත කර සිටිති. මෙම කණ්ඩා­යමේ මහ මොළ­කරු ලෙස හඳු­නා­ගෙන සිටින්නේ එම සහෝ­ද­ර­යන් අතර වැඩි­මලා වන ආන­න්දන් නමැ­ත්තාය. අද හෙටම ඔහුව අත්අ­ඩං­ගු­වට ගැනී­මට හැකි­වනු ඇතැයි කොළඹ අප­රාධ කොට්ඨා­සය විශ්වාස කරයි.

නේපාල‍‍යේදී අල්ලා‍ගෙන මෙර­ටට රැගෙන ආ ඉෂාරා සෙව්වන්දි ඇතුළු 06 දෙනා­ගෙන් ඉෂාරා ඇතුළු තිදෙ­නෙක්ම බෝට්ටු මඟින් ඉන්දි­යා­වට පන්නා ඇත්තේද ආන­න්දන් විසින් බව අනා­ව­ර­ණය වී ඇත. ඉෂාරා සෙව්වන්දි ධීවර බෝට්ටු­වක නංවා ඉන්දි­යාව බලා පිට­ත්කර ඇත්තේ යාප­නය අරි­යා­ලෙනි. ඇයව ඉන්දි­යා­වට රැගෙන යෑමට අය­කර ඇතැයි පැව‍සෙන්නේ රුපි­යල් ලක්ෂ 05ක මුද­ලකි. එම මුදල ලබා දී ඇත්තේ ජේ.කේ. බායි නමැත්තා විසින් බව අනා­ව­ර­ණය වී ඇත. බෝට්ටුවේ නැ‍ඟී ඉන්දි­යා­වට යනතුරු දින කිහි­ප­යක්ම ඉෂාරා සෙව්වන්දි නවා­තැ­න්ගෙන සිට ඇතැයි පැව­සෙන්නේ කිළි­නො­ච්චියේ සහ යාප­නයේ පිහිටි ආන­න්දන් නමැති ජාවා­ර­ම්ක­රුට අයත් නිවාස දෙකක බව ද අනා­ව­ර­ණය වී තිබේ. ඉෂාරා සෙව්ව­න්දිට කිලි­නොච්චි‍යේ දී සහ යාප­නයේ දී රැක­ව­ර­ණය ලබා­දෙ­මින් රටින් පැන්නී­මට සහාය දුන් සිවු දෙනෙක්ද කොළඹ අප­රාධ කොට්ඨාස‍යේ නිල­ධා­රීන් විසින් අත්අ­ඩං­ගු­වට ගෙන ඇත. ඉෂාරා සෙව්වන්දි ඉන්දි­යා­වට රැගෙන ගිය බෝට්ටු­වද හඳුනා ගෙන තිබේ. එම බෝට්ටු­වද නඩු භාණ්ඩ­යක් ලෙස පොලිස් භාර­යට ගැනී­මට නිය­මි­තය.

පාතා­ල­යට සම්බන්ධ අප­රා­ධ­ක­රු­වන් මෙන්ම විවිධ වැරදි සම්බ­න්ධ­යෙන් පොලී­සිය සොයන අප­රා­ධ­ක­රු­වන් මේ ආකා­ර­යට ආන­න්දන් සහ ඔහු‍‍ෙග් සහෝ­ද­ර­යින් විසින් එක්ව රටින් පැන්නී­මට රුපි­යල් ලක්ෂ 05ත් 10ත් අතර මුදල් අය­ක­රන බව ද විම­ර්ශ­නයේ දී අනා­ව­ර­ණය වී තිබේ.

මෙ‍සේ ආන­න්දන් සහෝ­ද­ර­යන්ගේ ආර­ක්ෂාව සහි­තව ඉන්දි­යා­වට පැන ගන්නා පාතාල අප­රා­ධ­ක­රු­වන්ට ඉන්දි­යාවේ රැක­ව­ර­ණය සහ පහ­සු­කම් සල­සන්නේ ජේ.කේ. බායි සහ සිලෝන් බායි යන දෙදෙනා විසිනි. නේපා­ලයේ දී අල්ලා‍ගෙන මෙර­ටට රැගෙන ආ අය අතර ජේ.කේ. බායිද සිටියි. සිලෝන් බායි සම්බ­න්ධ­යෙන්ද විම­ර්ශන පැවැ­ත්වෙන බව සඳ­හන්ය. ඉෂාරා සෙව්වන්දි කොටු­කර ගන්නා විට සිලෝන් බායි ද සිට ඇත්තේ යැයි පැව­සෙන්නේ නේපා­ල­යේය. ජේ.කේ. බායි මෙන්ම සිලෝන් බායි ද මිනිස් ජාවා­රම මෙහෙ­යවා ඇත්තේ ඩුබායි සිටය. ඉන්දි­යාව, නේපා­ලය, භූතා­නය, බංග්­ලා­දේ­ශය, ඇෆ්ග­නි­ස්ථා­නය, පාකි­ස්තා­නය, මාල­දි­ව­යින යන දකුණු ආසි­යා­තික කලා­පයේ රට­ව­ල්වල මිනිස් ජාවා­ර­ම්ක­රු­වන් සමඟ මොවුන් ඉතා කිට්ටු සම්බ­න්ධ­කම් පව­ත්වන බව ද පෙනී ගොස් තිබේ. ඉෂාරා සෙව්වන්දි ඇතුළු පිරිස ඉන්දි­යාවේ සිට නේපා­ල­යට රැගෙන ගොස් එහි ආර­ක්ෂාව සහ රැක­ව­ර­ණය ලබා දී ඇත්තේ ඒ අනු­වය. එසේ ඉන්දි­යාවේ රැක­ව­ර­ණය ලබා­දෙ­මින් එරට රැඳී සිටී­ම­ටත් වෙනත් රට­කට පැන ගැනී­මට අවශ්‍ය පහ­සු­කම් ලබා­දී­ම­ටත් රුපි­යල් ලක්ෂ 20 සිට ඉහ­ළට මුදල් මෙම ජාවා­ර­ම්ක­රු­වන් විසින් අය කරන බව ද විම­ර්ශ­න­ව­ලින් පෙනී ගොස් ඇත.

කොළඹ අප­රාධ කොට්ඨාස භාරයේ රැඳ­වුම් නියෝග මත සිටින ජේ.කේ. බායි මේ සම්බ­න්ධ­යෙන් බොහෝ තොර­තුරු හෙළි කර­මින් සිටින බව සඳ­හන්ය. බෝට්ටු මඟින් ඉන්දි­යා­වට පැන්නූ මෙරට පාතා­ලයේ නම ගිය අප­රා­ධ­ක­රු­වන් ගැන මෙන්ම තවත් බොහෝ තොර­තුරු ආන­න්දන් අත්අ­ඩං­ගු­වට ගැනී­මෙන් අන­තු­රුව ප්‍රශ්න කර අනා­ව­ර­ණය කරගැනී­මට හැකි­වනු ඇත.

ගයාන් කුමාර වීර­සිංහ -දිනමිණ

india sri lanka boat service