ගල්කිස්ස උසාවියේදී පොලිස් පොඩ්ඩා පහර දෙනවා මං දැක්කා.. මට දැන් පොලිසියෙන් කරදරයි..- ඇසින් දුටු සාක්‍ෂිකරු (Video)

නීතිඥවරයෙකු වන ගුණරත්න වන්නිනායක මහතා සහ පොලිස් කොස්තාපල්වරයෙකු අතර මෑතකදී මූලික නඩුවට අදාළව ඇසින් දුටු සාක්ෂිකරුවෙකු කියා සිටින්නේ, සිද්ධිය සම්බන්ධයෙන් අදහස් දැක්වීම හේතුවෙන් මේ වන විට පොලිසිය විසින් තමන්ට හිරිහැර කරමින් සිටින බවයි.

මාධ්‍ය වෙත අදහස් දක්වමින් එම සාක්ෂිකරු කියා සිටියේ, පොලිස් නිලධාරියා මෝටර් රථයක් තුළ සිටි මගියෙකුට පහර දෙන ආකාරය තමා දුටු බවත්, ඉන් පසුව රියදුරු වාහනයෙන් බැස නිලධාරියා සමඟ ගැටුමක් ඇති කර ගත් බවත්ය.

සිද්ධියේ තොරතුරු හෙළිදරව් කළ දා සිට පොලිස් නිලධාරීන් නැවත නැවතත් තම නිවසට පැමිණි බවත්, තවත් පිරිසක් තම බිරිඳට දුරකථනයෙන් කතා කර ප්‍රශ්න කිරීම සඳහා පොලිස් ස්ථානයට පැමිණෙන ලෙස ඉල්ලා සිටි බවත් එම සාක්ෂිකරු චෝදනා කළේය.

ඔහු තම පුද්ගලික ආරක්ෂාව සහ පවුලේ ආරක්ෂාව පිළිබඳව කනස්සල්ල පළ කරමින් ඉල්ලා සිටියේ ඔවුන්ගේ ආරක්ෂාව තහවුරු කිරීමට වහාම පියවර ගන්නා ලෙසයි.