ගෝඨාභයට විශ්වයෙන් පණිවිඩ එන්නේ නෑ... ආවත් පොලීසියට යන්න බෑ!

හිටපු ජනාධිපති ගෝඨාභය රාජපක්ෂට විශ්වයෙන් පණිවිඩ එන්නේ නැති බවත් විශ්වයෙන් පණිවිඩය ආවත් පොලීසියට යන්න බැරි බව පාර්ලිමේන්තු මන්ත්‍රී නාමල් රාජපක්ෂ සඳහන් කරයි.

හිටපු ජනාධිපති ගෝඨාභය රාජපක්ෂට අපරාධ පරීක්ෂණ දෙපාර්තමේන්තුව වෙත කැඳවීම සම්බන්ධයෙන් මාධ්‍යවේදින් නැගු ප්‍රශ්නයට පාර්ලිමේන්තු මන්ත්‍රී නාමල් රාජපක්ෂ සඳහන් කළේ,

“මටත් ආරංචියි.. මටත් ආරංචිය ආවා. හැබැයි ගෝඨාභය රාජපක්ෂ මැතිතුමාට ඒ ආරංචිය ඇවිල්ලා නෑ. මොකද ගෝඨාභය රාජපක්ෂ මැතිතුමාටවත්, අපිටවත් විශ්වයෙන් පණිවිඩ එන්නේ නැනේ.

ඉතින් විශ්වයෙන් පණිවිඩ එන අයට තමයි මාධ්‍යට කලින් දෙන්නේ. ඉතින් ඊට පස්සේ තමයි අපිට දැනගන්න ලැබෙන්නේ. ඉතින් එක්කෝ විශ්වයෙන් පණිවිඩය අපිට කෙලින්ම දෙන්න ඕන.

එහෙම දෙන්නෙත් නෑ. ඒක දෙන්නේ වෙන කෙනෙක්ට. වෙන කණ්ඩායමකට. ඉතින් ඒ අය මාධ්‍යට දානවා. අපිට විශ්වයෙන් පණිවිඩය ආවත් පොලීසියට යන්න බෑ නේ. CIDයෙන් පණිවිඩය ආවාම ගෝඨාභය මහත්තයා යයි.”