මට තර්ජන වැඩිවෙලා... යලි පොලිස් ආරක්‍ෂාව ඉල්ලුවා... මාව CID කැදෙවුවොත් ඔවුනටත් සාස්තරයක් කියා මං එනවා - සුදත්ත තිලක්සිරි

තමන් රනිල් වික්‍රමසිංහ සම්බන්ධයෙන් සිදුකළ ප්‍රකාශයට අදාළව අපරාධ පරීක්‍ෂණ දෙපාර්තමේන්තුව තමන්ව පරීක්‍ෂණයක් සඳහා කැඳවුවහොත් තමන් අපරාධ පරීක්ෂණ දෙපාර්තමේන්තුවට ද අනාවැකියක් පවසා නැවත පැමිණෙන බව ප්‍රකට You tube කරුවෙකු වන සුදත්ත තිලක්සිරි පවසයි.

you tube නාලිකාවක් සමඟ සාකච්ඡාවකට එක්වෙමින් ඔහු මෙම කරුණු සඳහන් කර ඇත.

වැඩිදුරටත් කළ විමසීමකදී ඔහු සඳහන් කර තිබෙන්නේ හිටපු ජනාධිපති රනිල් වික්‍රමසිංහට ඇප නොලැබෙන බව තමන් ප්‍රකාශ කළ මුල් දිනයේම පොලිසිය තමන්ට සපයා තිබු ආරක්‍ෂාව ඉවත් කළ බවයි.

පොලිසිය විසින් ම මේ වන විට තමන්ට ජීවිත තර්ජනයක් නොමැති බව තහවුරු වී ඇතැයි සඳහන් කළ ද පැවති ජීවිත අවධානම මේ වන විට වැඩි වී ඇති බවද සඳහන් කර ඇත.

කලින් පැවතියේ තර්ජන පහක් නම් දැන් එය දෙසිය පනහක් පමණ වී ඇතැයි දී සඳහන් කරන සුදත්ත තිලක්සිරි නැවත වතාවක් සිය ආරක්ෂාව ලබා දෙන ලෙස ද යි පොලිසියෙන් ඉල්ලීමක් කර ඇති බවද ඔහු සඳහන් කර තිබේ.