දයා ගම­ගේට අයත් සමා­ගම් තුනක් අද ප්‍රසි­ද්ධියේ වෙන්දේසි කරයි

හිටපු රාජ්‍ය ඇමැති දයා ගමගේ මහ­තාට අයත් සමා­ගම් තුනක් අද (02) දින ප්‍රසිද්ධ වෙන්දේ­සියේ විකි­ණී­මට දී ඇති අධි­ක­රණ නියෝ­ගය වළ­ක්වන වාරණ නියෝ­ග­යක් නිකුත් කරන ලෙස දයා සමූහ ව්‍යාපා­රය කළ ඉල්ලී­මක් සලකා නොබැ­ලී­මට කොළඹ වාණිජ මහා­ධි­ක­ර­ණය ඊයේ (01දා) තීර­ණය කළේය.

ඒ අනුව නිය­මිත පරිදි අද (02) උදෑ­සන 10.00ට දේපළ වෙන්දේ­සිය පවත් වන ලෙස කොළඹ වාණිජ මහා­ධි­ක­රණ විනි­සුරු අමාලි රණ­වීර මහ­ත්මිය රෙජි­ස්ට්‍රා­ර්ව­ර­යාට සහ නියෝජ්‍ය පිස්ක­ල්ව­ර­යාට නියෝග කළාය.

දයා ගමගේ මහ­තාට අයත් ආය­තන තුනක් විසින් පීපල්ස් ලීසිං ඇන්ඩ් ෆිනෑන්ස් සමා­ග­මට ගෙවිය යුතු හිඟ රුපි­යල් ලක්ෂ 969ක මුද­ලක් අය­කර ගැනීම සඳහා මෙම වෙන්දේ­සිය පැවැත්වේ.

දයා ගෲප් (ප්‍රයි­වට්) ලිමි­ටඩ්, දයා ඇප­රල් එක්ස්පෝ­ටර් (ප්‍රයි­වට්) ලිමි­ටඩ් සහ ඔලි­ම්පස් කන්ස්ට්‍ර­ක්ෂන් ප්‍රයි­වට් ලිමි­ටඩ් යන ආය­තන පීපල්ස් ලීසිං ඇන්ඩ් ෆිනෑන්ස් සමා­ග­මෙන් 2020 වසරේ ඔක්තෝබර් 20දා වන විට ලබා ගෙන ඇති සමස්ත ණය මුදලේ වටි­නා­කම දස­කෝටි අසූ­තුන් ලක්ෂ නව­ද­හස් තුන්සිය හත­ළිස් දෙකක (108,309,342)කි. ඉන් රුපි­යල් හැත්තෑ­තුන් ලක්ෂ­යක (73,00,000)ට ආසන්න මුද­ලක් ගෙවීම කර ඇත. ඉති­රිය මුදල අය­කර ගැනීම සඳහා වෙන්දේ­සිය පැවැත්වේ.

වෙන්දේ­සි­යට දින නිය­ම­කර තිබි­යදි මහ­ජන බැංකුව, ලංකා බැංකුව සහ කොම­ර්ෂල් බැංකුව යන අත­ර­මැදි පාර්ශ්ව මෝස­මක් මාර්ග­යෙන් නඩු­වට සම්බන්ධ වෙමින් වෙන්දේ­සි­යට නිය­ම­කර තිබුණු සම­හර අයි­තම ඉන් මුදා­හ­රින නියෝ­ග­යක් නිකුත් කරන ලෙස පෙරේදා (30දා) ඉල්ලී­මක් කළේය. එමෙන්ම දයා සමූහ ව්‍යාපා­රය වෙන්දේ­සිය වළ­ක්වන නියෝ­ග­යක් නිකුත් කරන ලෙස ඉල්ලී­මක් කරන ලදි.

එම කරුණු සලකා බැලීම සඳහා ඊයේ (01දා) කැඳ­වන ලදි. එහිදී අත­ර­මැදි පාර්ශ්ව කරුණු දක්ව­මින් දයා සමූහ ව්‍යාපා­රය එම බැංකු­ව­ලට උක­ස්කර තිබුණු සම­හර භාණ්ඩ වෙන්දේ­සි­යට නිය­ම­කර තිබුණු අයි­තම අතර ඇති බව පෙන්වා දුන්නේය. ඒ අනුව වෙන්දේ­සි­යට නිය­ම­කර තිබුණු අයි­තම 47ක් අත­රින් මැදි­හත් පාර්ශ්ව­ක­රුව හිමි­කම් නොද­ක්වන වාහන 4ක් පම­ණක් වෙන්දේසි කිරී­මට අධි­ක­ර­ණය නියෝග කළේය. එමෙන්ම මහ­ජන බැංකුව හා කොම­ර්ෂල් බැංකුව සහ ලංකා බැංකුව ඍජු­වම හිමි­කම් දක්වන අයි­තම 10ක් වෙන්දේසි කිරීම අත්හිටුවීමට අධි­ක­ර­ණය තීර­ණය කළේය. මේ සම්බ­න්ධ­යෙන් පීපල්ස් ලීසිං ඇන්ඩ් ෆිනෑන්ස් සමා­ගම සහ දයා ගමගේ සමූහ ව්‍යාපා­රය යන ආය­තන දෙක එක­ඟ­තාව පළ කළේය.

ලංකා බැංකුව වෙනු­වෙන් පෙනී සිටි ජනා­ධි­පති නීතිඥ ජගත් වික්‍ර­ම­නා­යක මහතා කරුණු දක්ව­මින් දයා සමූහ ව්‍යාපා­රය ලංකා බැංකු­වට උක­ස්කර ඇති දේප­ළ­වල වටි­නා­කම අමෙ­රි­කානු ඩොලර් 2,002,677.66ක් බව අධි­ක­ර­ණ­යට දන්වා සිටි­යේය.

ඉදි­කි­රීම් සඳහා භාවිත කරන ලද අබලි ද්‍රව්‍ය ටොන් 1000ක් ලෙස වෙන්දේ­සි­යට ඉදි­රි­පත් කර තිබුණු අයි­ත­මයේ අඩංගු ද්‍රව්‍ය අතර දයා සමූහ ව්‍යාපා­රය ලංකා බැංකු­වට උක­ස්කර තිබෙන චංචල දේපළ සම­හ­රක් තිබිය හැකි බවට එම බැංකුව වෙනු­වෙන් පෙනී සිටි ජනා­ධි­පති නීතිඥ ජගත් වික්‍ර­ම­නා­යක මහතා අධි­ක­ර­ණ­යට කරුණු දක්වා සිටි­යේය. ඒ අනුව අදාළ අයි­ත­මයේ අඩංගු චංචල දේපළ වෙන්දේසි කිරීම අත්හිටු වීමට අධි­ක­ර­ණය තීර­ණය කළේය.

අබලි ද්‍රව්‍ය ලෙස නම් කර ඇති ටොන් 1000 අතර මැදි­හත් පාර්ශ්ව හිමි­කම් කියන ද්‍රව්‍ය තිබේ­දැයි අදාළ ආය­ත­නය පිහිටි නො: 345/5, එදි­රි­සිංහ මාවත, පන්නි­පි­ටිය ස්ථාන­යට ලබන ජූනි 14දා ගොස් හඳුනා ගැනීම කරන ලෙස අධි­ක­ර­ණය දන්වා සිටි­යේය.

හඳු­නා­ගත් දේපළ හිමි­කම් ලේඛන සමඟ ලබන ජූලි 28දා අධි­ක­ර­ණ­යට දන්වන ලෙස අධි­ක­ර­ණය අත­මැදි පාර්ශ්ව­යන්ට නියෝග කළේය. ඉතිරි භාණ්ඩ වෙන්දේසි කිරීම පිළි­බඳ නියෝ­ගය එදින ප්‍රකාශ කිරී­මට නිය­මි­තය. දයා සමූහ ව්‍යාපා­රය කළ වෙන්දේ­සිය වළ­ක්වන නියෝ­ගය අධි­ක­ර­ණය සලකා නොබ­ලන ලදි.

පීපල්ස් ලීසිං සමා­ගම වෙනු­වෙන් නීතිඥ කීර්ති තිල­ක­රත්න සහ නීතිඥ චානුක ඒක­නා­යක මහ­ත්වරු පෙනී සිටි­යහ. ලංකා බැංකුව වෙනු­වෙන් ජනා­ධි­පති නීතිඥ ජගත් වික්‍ර­ම­නා­යක, මහ­ජන බැංකුව වෙනු­වෙන් ජනා­ධි­පති නීතිඥ කෞෂල්‍ය නව­රත්න සහ දයා ගමගේ සමූහ ව්‍යාපා­රය වෙනු­වෙන් ප්‍රියන්ත අල­ගි­ය­වන්න මහතා පෙනී සිටි­යහ.