පැවැත්වීමට නියමිත “77” වැනි නිදහස් සමරු උළෙල අඩු වියදමකින් අභිමානවත්ව සැමරිමට තීරණය කර ඇති බව රාජ්ය පරිපාලන, පළාත් සභා හා පළාත් පාලන අමාත්යාංශය සදහන් කරයි.
මෙවර නිදහස් සමරු උළෙල ජනාධිපති අනුර කුමාර දිසානායකගේ ප්රධානත්වයෙන් ලබන මස (04) වැනිදා කොළඹ නිදහස් චතුරශ්රයේදී පැවැත්වීමට නියමිත බව අමාත්ය මහාචාර්ය චන්දන අබේරත්න සදහන් කරයි.
ඒ අනුව උළෙලට සහභාගිවන ආරාධිත අමුත්තන් සංඛ්යාව 3000 සිට 1600 දක්වා අඩු කරන බවත් උළෙලේදී ජනාධිපති උත්තමාචාර ආචාර වෙඩිමුර 21ක් පිරිනැමීම ද අවලංගු කර ඇති බව අමාත්ය මහාචාර්ය චන්දන අබේරත්න සදහන් කරයි.
ත්රිවිධ හමුදා හා පොලිස් ආචාර පෙළපාලියට සහභාගි වන භට සංඛ්යාව ද අඩු කර ඇති බවත් හමුදා පෙළපාලියේදී සන්නද්ධ රථ ප්රදර්ශනය කිරීම මෙවර නිදහස් සමරු උළෙලේදී සිදු කෙරෙන්නේ නැති බවත් ගුවන් සංදර්ශන සීමා කර ඇති බවද අමාත්යවරයා සදහන් කරයි.
