ශ්‍රී ලංකාවට සංචාරක තහනමක් ප්‍රකාශ කර නොමැති බව ශ්‍රී ලංකාවේ අමෙරිකානු තානාපතිනී ජුලී චන්ග් පැහැදිලි කර තිබේ. පසුගිය සතියේ නිකුත් කරන ලද එක්සත් ජනපද ආරක්ෂක අනතුරු ඇඟවීම ආරුගම් බොක්ක ප්‍රදේශයට විශේෂ තර්ජනයක් හේතුවෙන් විශේෂිත වූ බව ඇය අවධාරණය කළාය.
“ආරුගම් බොක්ක ප්‍රදේශයේ නිශ්චිත තර්ජනයක් පිළිබඳව අප දැනුවත් වූ විට, අපි මෙම දන්නා තොරතුරු ශ්‍රී ලංකා බලධාරීන් සමඟ බෙදා ගත්තා. ඔවුහු ඉක්මනින් ප්‍රතිචාර දැක්වූවා,” ජුලී චං පැවසීය.
“අපි ඔවුන් සමඟ දිනපතාම ක්‍රියාකාරීව සම්බන්ධීකරණය කරමින් සිටිනවා… ආරක්ෂාව සහ විනිවිදභාවය සඳහා කැපවීම කැපී පෙනෙන ශ්‍රී ලංකාවේ නායකත්වය සහ ආරක්ෂක නිලධාරීන් සමඟ අපගේ හවුල්කාරිත්වය අප අගය කරනවා.”
ජුලී චන්ග් සංචාරක උපදේශනය පිළිබඳ වැරදියට ප්‍රකාශයට පත් තොරතුරු ද ආමන්ත්‍රණය කළාය.
“පසුගිය සතියේ අපගේ ආරක්ෂක අනතුරු ඇඟවීම ඇමරිකානුවන්ට නැවත දැනුම් දෙන තුරු ආරුගම් බොක්කෙන් වැළකී සිටීමයි, නමුත් ශ්‍රී ලංකාව සඳහා අපගේ සමස්ත ආරක්ෂක උපදේශනය වසර ගණනාවක් තිස්සේ පවතින 2 මට්ටමේයි. එය වෙනස් වී නැහැ. මෙය වෙනත් බොහෝ ජනප්‍රිය සංචාරක ගමනාන්ත වන ප්‍රංශය, මාලදිවයින, ඉතාලිය වැනි රටවල් සඳහා වූ උපදෙස් වලට සමාන යි. ශ්‍රී ලංකාව පවතින්නේත් 2 මට්ටමේ….” ඇය ප්‍රකාශ කළාය.
