![gossip lanka](https://blogger.googleusercontent.com/img/b/R29vZ2xl/AVvXsEivunnveqYkduCDyFqPcsb-dzh845LsnRnQ8BstRCqC2DZplPIa1L8X64oiPrnJGhtm8NqdqODwuJwH30n7wtqby1kJCy53Erqhr6EeD5EJSJOrBO4_yug0jyVoxzPZP3Kmoov9zdqFdjM_1gaQtHDiBvriplwAeyFfaiKFUYsfiVph4QNHyC66GIm53Olh/s320/girl.jpg" width="320)
ජනාධිපතිවරණය ප්රකාශයට පත් කර ඇති කාල සීමාව් තුළ පෙර දාතම් කර නව සුරාබදු බලපත්ර නිකුත් කරමින් පවතින බව ශ්රී ලංකා මත් පැන් බලපත්ර ධාරීන්ගේ සංගමය අද මැතිවරණ කොමිසම වෙත පැමිණිලි කළේය.
මත්පැන් බලපත්රධාරී සංගමයේ උප සභාපති ප්රසන්න විතානගේ මාධ්ය අමතා පැවසුවේ මෙම අනීතික කටයුත්ත සිදුවන්නේ වත්මන් මුදල් අමාත්යවරයා ද වන ජනාධිපතිවරයා අපේක්ෂකයෙක් ලෙස මෙවර ජනාධිපති මැතිවරණය සඳහා ඇප මුදල් තැන්පත් කර ඇති අවස්ථාවක බවය. තමන් යටතේ ඇති මුදල් අමාත්යාංශය සහ සුරාබදු දෙපාර්තමේන්තුව යොදාගෙන විධායක ජනාධිපති බලය අවභාවිතා කරමින් මේ අලජ්ජී වංචාව සිදුකරන ආකාරය සම්බන්ධව ඔහු මෙසේ ද පැවසුවේය.
“වත්මන් ජනාධිපතිවරයා මුදල් ඇමතිවරයා මෙන්ම සුරබදු දෙපාර්තමේන්තුවෙත් ප්රධානියා. සුරාබදු දෙපාර්තමේන්තුව විසින් මේ වනවිට නව සුරාබදු බලපත්ර දෙසීයයකට වැඩි ප්රමාණයක් දීමට කටයුතු කරමින් යන බවට අපට තොරතුරු ලැබී තිබෙනවා.”
“ඊට අමතරව ජනාධිපති මැතිවරණය ප්රකාශයට පත් කළාට පසු නව බලපත්ර හයක් පමණ පෙර දිනයන් දමා නිකුත් කර තිබෙනවා. එමෙන්ම අගොස්තු 06 වැනි දින ගරු ශ්රේෂ්ඨාධිකරණය මගින් අතුරු තහනම් නියෝගයක් නිකුත් කරලා තියනවා නීත්යානුකූල නොවන ආකාරයට මත් පැන් බලපත්ර නිකුත් කරන්න එපා කියලා.”
‘ඒ අධිකරණ තින්දුවත් අල්ලංඝණය කරමින් සුරාබදු දෙපාර්තමේන්තුව නව සුරාබදු බලපත්ර නිකුත් කරමින් යනවා. ඒ සම්බන්ධව අපි ඊයේ මැතිවරණ කොමිසම දැනුම්වත් කළා. “
- ලංකාසර
