මෙරට දළ දේශීය නිෂ්පාදිතයට උතුරු පළාතෙන් ලැබෙන දායකත්වය අවම මට්ටමක පවතින බව විපක්ෂ නායක සජිත් ප්‍රේමදාස පවසනවා. උතුරේ ආර්ථිකය වර්ධනය කර රටේ දළ දේශීය නිෂ්පාදනයට ඉහල දායකත්වයක් ලබා ගත යුතු බවයි ඔහු පෙන්වා දෙන්නේ. විපක්ෂ නායකවරයා මේ බව පැවසුවේ යාපනයේ පැවති වැඩසටහනකට එක්වෙමිනි.
එහිදී අදහස් දැක්වූ විපක්ෂ නායක සජිත් ප්‍රේමදාස මහතා,
“උතුරු පළාත දළ දේශීය නිෂ්පාදිතයට ලබාදෙන දායකත්වය 4.1%යි හැබැයි අපි සංසන්දනය කරොත් ඒක බස්නාහිර පළාත එක්ක බස්නාහිර පළාතේ දළ දේශීය නිෂ්පාදිතට දායකත්වයට 43.4%යි.
වයඹ පළාත 11.2%ක් මධ්‍යම පළාත් 10%ක් මේවත් එක්ක සංසන්දනය කරහම උතුර තමයි පහළම තැනක තියෙන්නේ. ඒකෙන් බොහොම පැහැදිලියි ඒ උතුරේ ආර්ථික ක්‍රියාකාරීත්වය බොහොම දුබල මට්ටමක තිබෙනවා.
මම බොහොම පැහැදිලිව ප්‍රකාශ කරනවා ජාත්‍යන්තර ක්‍රිකට් ක්‍රීඩාංගනය නිර්මාණය කිරීම උතුර ගොඩනැගීමේ එක අංගයක් හැටියට ක්‍රියාත්මක කරන අතරතුර උතුරේ තිබෙන මැතිවරණ කොට්ඨාස 10යේ ප්‍රාදේශ ලේකම් බල ප්‍රදේශ 15වේම නිෂ්පාදන කර්මාන්තය ගොඩනංවන, තොරතුරු තාක්ෂණ උද්‍යාන බිහිකරන, බුද්ධිමතුන්ගේ කේන්ද්‍රස්ථානයක් බවට උතුරු පළාතත් යාපනය කිලිනොච්චි දිස්ත්‍රික්කත් අපි දියුණු කරන්නට කැපවෙනවා කියන එක මං මේ අවස්ථාවේදී ප්‍රකාශ කරනවා”
