“සිරිකොත අපට දෙන්න”

එක්සත් ජාතික පක්ෂ මූලස්ථානය වන සිරිකොත සමඟි ජන බලවේගය වෙත භාර දෙන ලෙස එම පක්ෂය  ජනාධිපති රනිල් වික්‍රමසිංහගෙන් ඉල්ලා සිටී.

ප්‍රවෘත්ති සාකච්ඡාවකට එක් වෙමින් සමඟි ජන බලවේගයේ ජනාධිපතිවරණ මෙහෙයුම් ප්‍රධානී සුජීව සේනසිංහ මහතා  ඊයේ (31) මේ බව සඳහන් කලේය.

සිරිකොත පක්ෂ මූලස්ථානයේ තිබූ අකුණු සන්නායකයක් අතුරුදන් වීම සම්බන්ධයෙන් මාධ්‍යවේදියෙකු යොමු කළ ප්‍රශ්නයකට පිළිතුරු ලබා දෙමින් සුජීව සේනසිංහ මහතා මේ බව පවසා සිටියේය.

සිරිකොත යනු ඔවුන්ගේ මහගෙදර බවත් රනිල් වික්‍රමසිංහ මැතිතුමාට පක්ෂයේ හිටපු නායකයන් ගැන යම් හෝ ආදරයක් ඇති නම් එය සමඟි ජන බලවේගය වෙත භාර දිය යුතු බව සුජීව සේනසිංහ මහතා මෙහිදී සඳහන් කලේය.

“සිරිකොත ඉතාම අන්තරාදායක තැනක තියෙන්නේ. සිරිකොත කියන්නේ අපේ මහගෙදර, අපිට තමා ඕක අයිති වෙන්නේ. අන්තිම වශයෙන් හරි රනිල් වික්‍රමසිංහ මැතිතුමාට සිරිකොතයි  UNP එකයි අපිට භාර දෙන්න පුළුවන්නම් එතුමාට පොඩ්ඩක් හරි පවු කමා කරගන්න පුළුවන් වෙයි”