සමගි ජන බලවේගය විසින් කොළඹදී පවත්වන ලද මැයි දින රැලිය සංවිධානය කිරීමේදී පාර්ලිමේන්තු මන්ත්‍රී සරත් ෆොන්සේකා මහතා කිසිදු කාර්යභාරයක් ඉටු නොකළ බව පක්ෂයේ උප උප සභාපති සුජීව සේනසිංහ මහතා සඳහන් කරයි.
එම හේතුව මත ෆොන්සේකා මහතාට රැලියේ ඇමතීමට අවස්ථාවක් ලබා නොදුන් බවද හෙතෙම කියා සිටියේය.
ෆොන්සේකා මහතා අවස්ථා කිහිපයකදීම පක්ෂයේ විවේචනය කර ඇති බවත් එයද මේ සඳහා හේතු වූ බවද ඔහු පැවසීය.
රැලිය ඇමතීම සඳහා අවස්ථාව ලබා දුන්නේ එය සංවිධානය කිරීමට මැදිහත් වූ වෙහෙස මහන්සි වූ අයට පමණක් බවත් හෙතෙම තවදුරටත් පැවසුවේය.
