පසුගිය සැප්තැම්බර් මස 12 දා 39 හැවිරිදි නිජෝ, ඔහුගේ බිරිඳ ශිල්පා (32) සහ ඔවුන්ගේ දරුවන් වන එබල් (7) සහ ආරොන් (5) සියදිවි නසාගෙන තිබූ අතර ඔවුන්ගේ සිරුරු නිවසේ තිබියදී සොයාගෙන ඇත. මියගිය එක් අයකුගේ අසභ්‍ය පින්තූර ඥාතීන්ට යැවීමට භාවිත කළ අංකය පොලිසිය විසින් සොයා ගැනීමත් සමඟ විමර්ශනය වෙනත් අතකට යොමුවිය.
“පරීක්ෂණයේදී අපට වැටහුණා ශිල්පා අන්තර්ජාල ණය දෙන ආයතනවලින් ණය ලබාගෙන තිබෙන බව. ඇයට ඒවා ආපසු ගෙවීමට අපහසු වෙලා. පසුව ශිල්පාට හා සහ ඔවුන්ගේ ඥාතීන්ට අසභ්‍ය පණිවිඩ යැවීමට මේ සමාගම් යොමු වෙලා තියනවා. ඒ ජංගම දුරකථන අංකය සොයා බලන විට එය ශ්‍රී ලංකාවේ එකක් බව අපට වැටහුණා. ඇත්තෙන්ම එම කණ්ඩායම් ලංකාවේ සිට ක්‍රියාත්මක වෙලා තියෙනවා” යැයි ඉන්දීය පොලිස් ප්‍රකාශකයකු සඳහන් කර තිබේ.
