නියෝජ්‍ය කතානායකගේ නම ගෑවුන ගංජා පුවතක් වාර්තා කිරීමේ දී වරප්‍රසාද කඩවෙලා… චමුදිතව පාර්ලිමේන්තු ආචාරධර්ම සහ වරප්‍රසාද කමිටුවට කැඳවයි!
ඒ ප්‍රවෘත්තියේ පසුබිම සිද්ධිය මෙසේය.
පසුගිය ජනවාරි මුල් සතියේ කතරගම කඳවුරට අනුයුක්ත පොලිස් විශේෂ කාර්ය බළකායේ නිලධාරීන්ට ලද තොරතුරක් ගංජා හේනක් වටලා තිබිණි.
වගාවේ තිබී අඩි 4 හමාරකට ආසන්න උසකින් යුත් ගංජා පැල 18,956ක් පොලිස් විශේෂ කාර්ය බලකාය භාරයට ගනු ලැබුවේය.
අත් අඩංගුවට ගත් පසු හෙළි වූයේ සැකකරු නියෝජ්‍ය කථානායක අජිත් රාජපක්ෂට අයත් අක්කර 10ක ඉඩමකින් අක්කර දෙකහමාරකට ආසන්න ප්‍රමාණයක් කුලියට ගෙන නීතිවිරෝධී ලෙස ගංජා වගාවක් පවත්වාගෙන ගොස් ඇති බවය.
නියෝජ්‍ය කතානායකවරයා පැමිණිලි කර ඇත්තේ මෙම ගංජා සම්බන්ධ ප්‍රවෘත්තිය චමුදිත සමරවික්‍රම විසින් වාර්තා කර ඇති ආකාරයෙන් තමන්ගේ වරප්‍රසාද කඩ වී ඇති බවය.
