ජනාධිපති ලේකම් කාර්යාලයට අයත් වාහන 51ක වටිනාකමක් හෝ එම වාහන සොයා ගැනීමට නොහැකිව ඇති බවද ජාතික විගණන කාර්යාලය නිකුත් කළ නවතම වාර්තාවේ සදහන් වේ.
තවද ජනාධිපති කාර්යාලය සතු වාහන 53 ක් වෙනත් රාජ්‍ය ආයතන, විහාරස්ථාන, ආගමික නායකයන් හා පාර්ලිමේන්තු මන්ත්‍රීවරුන්ට නිදහස් කර ඇති බවද ජාතික විගණන කාර්යාලය සදහන් කරයි.
ඒ අතුරින් වාහන 27ක් සඳහා ජනාධිපති ලේකම් කාර්යාලය නඩත්තු වියදම් ලෙස පසුගිය 2022 වසරේදී රුපියල් එක් කෝටි තිස් හත් ලක්ෂයක් වැය කර ඇති බවද ජාතික විගණන කාර්යාලය සදහන් කරයි.
ජනාධිපති ලේකම් කාර්යාලය සතු වාහන වෙනත් ආයතනවලට ලබාදී තිබුණද එම වාහන විධිමත් අනුමැතියක් යටතේ විධිමත් ක්‍රමවේදයකට පැවරීම සිදුකර නොතිබූ බවද ජාතික විගණන කාර්යාලය සදහන් කරයි.
