බෝනගේන් තහනම් කරන්න පාර්ලිමේන්තු පනතක් ගේන්නැයි කියයි

බෝනගේන් ආගම තහනම් කිරීමට කටයුතු කළ යුතු බව කොළඹ විශ්ව විද්‍යාලයේ සිංහල අංශ ප්‍රධානි මහාචාර්ය අගලකඩ සිරිසුමන හිමියන් සඳහන් කරති. පාලකයන් ගේ බලය පවත්වාගෙන යාමට අවශ්‍ය අණපනත් එක දවසෙන් සම්මත කළ ද බෝනගේන් ආගම තහනම් කිරීමට පාර්ලිමේන්තුවට පනතක් ගෙන ඒමට මෙතෙක් බැරි වී ඇති බවද උන්වහන්සේ කියා සිටියහ.

ඊට හේතුව පාර්ලිමේන්තුවේ සිටින මැති ඇමැතිවරුන් බෝනගේන් ආගම සමඟ එක් වී සිටිම බව ද උන්වහන්සේ පැවසූහ.

පාලකයන් ගේ පැවැත්ම සඳහා අණපනත් සම්මත කිරීමට දක්වන කඩිසර කම ආගම්වලට සිදුවුන අපහාස නතර කිරීමට හා ඒවා තහනම් කිරීමට නොදැක්වීම කනගාටුදායක බවද උන්වහන්සේ කියා සිටියේ කොළඹ පැවති මාධ්‍ය හමුවක් අමතමිනි.