gossip lanka news line gossip lanka news line gossip lanka news line gossip lanka news line gossip lanka news line
gossip lanka gossip lanka
gossip lanka gossip lanka gossip lanka gossip lanka gossip lanka

දේශීය ණය ප්‍රතිව්‍යුහකරණයට මූල්‍ය ක්ෂේත්‍රය කැළැඹිලා !

අයිඑම්එෆ් සාකච්ඡා වලදී ආණ්ඩුව මුල සිටම දැරූ ස්ථාවරය වූයේ දේශීය ණය ප්‍රතිව්‍යුහකරණය
නොකරන බව වුවද මේ වන විට දේශීය ණය ප්‍රතිව්‍යුහකරණයට එකඟ වී ඇති අතර එය විදේශීය ණය ප්‍රතිව්‍යුහකරණයට පූර්ව කොන්දේසියක් බවටද පත්ව ඇතැයි උදය ගම්මන්පිල මන්ත්‍රීවරයා පවසයි.

පිවිතුරු හෙළ උරුමයේ නායක නීතිඥ ගම්මන්පිල එබව කියා සිටියේ, එම පක්ෂයේ මූලස්ථානයේ ඊයේ (04) පැවති මාධ්‍ය හමුවකදීය.

එහිදී තව දුරටත් ඔහු මෙසේ අදහස් දැක්වීය.

'' අයිඑම්එෆ් සාකච්ඡා වලදී ආණ්ඩුව මුල සිටම දරපු ස්ථාවරය වුණේ දේශීය ණය ප්‍රතිව්‍යුහකරණය නොකරන බවයි. නමුත් අයිඑම්එෆ් ගිවිසුම එළියට එනවිට දේශීය ණය ප්‍රතිව්‍යුහකරණයට එකඟ වෙලා පමණක් නොවේ ඒක විදේශීය ණය ප්‍රතිව්‍යුහකරණයට පූර්ව කොන්දේසියක් වෙලා. නමුත් 2022 සැප්තැම්බර් 1 දා අයිඑම්එෆ් සමග අත්සන් කළ කාර්ය මණ්ඩල මට්ටමේ ගිවිසුමේ දේශීය ණය ප්‍රතිව්‍යුහකරණය නෑ. අපි මේ ගිවිසුම පාර්ලිමේන්තුවට ඉදිරිපත් කරන්න කිව්වාම ජනාධිපතිතුමා කිව්වේ අවසන් ගිවිසුම අත්සන් කළාට පසු සියල්ල ප්‍රසිද්ධ කරනවා කියා. නමුත් කාර්ය මණ්ඩල මට්ටමේ ගිවිසුම අදටත් රහසක් විධියට තිබෙන්නේ. ඊට හේතුව තමයි අපට ලැබුණු තොරතුරු අනුව ඒ ගිවිසුම අත්සන් කළාට පස්සේ තමයි දේශීය ණය ප්‍රතිව්‍යුහකරණයට ආණ්ඩුව එකඟ වෙලා තිබෙන්නේ.

කාවද මේ රවටන්න හදන්නේ ?

දේශීය ණය ප්‍රතිව්‍යුහකරණය මේ ගිවිසුමෙත් කොලේ වහලා ලියලා තිබෙන්නේ. ගිවිසුමේ 17 පිටුවේ 18 වන කාරණය ලෙස ඒක සඳහන් වෙන්නේ මෙහෙමයි. The authorities and their financial advisors are weighing different options and their associated legal procedures to optimize the design of a Local Law Local Currency debt treatment while preserving financial stability. මෙතැන restructure වෙනුවට පාවිච්චි කර තිබෙන්නේ optimize කියන වචනය. ණය ප්‍රතිව්‍යුහකරණය වෙනුවට ණය ප්‍රශස්තකරණය. කාවද මේ රවටන්න හදන්නේ ? නමුත් ණය කපා හැරීමක් ද පොලිය කපා හැරීමක් ද කාලය දිගු කිරීමක් ද ණය විරාමයක් ද ඒවායේ මිශ්‍රණයක් ද කියන කිසිම විස්තරයක් මෙතැන නෑ. ඒ අවිනිශ්චිත බව නිසාම බැංකුකරුවන් වගේම තැන්පතුකරුවන් ද දැඩි ව්‍යාකූල බවක ඉන්නේ.

ආණ්ඩුවට ලබා දුන් දේශීය ණය වලින් සාතිශය බහුතරය ලබා දීලා තිබෙන්නේ වාණිජ බැංකු. 2019 සිට මේ බැංකු ණය විරාම තම ගනුදෙනුකරුවන්ට ලබා දුන්නා. ඒ වගේම ආර්ථික අර්බූදය නිසා බොල් ණය දැවැන්ත ලෙස ඉහළ ගිහින්. මේ අතරේ ආණ්ඩුවේ ණය දැවැන්ත ලෙස ප්‍රතිව්‍යුහ කලොත් වාණිජ බැංකු වලට දැවැන්ත බලපෑමක් ඇති වෙනවා.

අයිඑම්එෆ් ගිවිසුමේ කියන විධියට වාණිජ බැංකු විසින් ආණ්ඩුවට සහ රාජ්‍ය ආයතන වලට ලබා දී ඇති ණය සමස්ත බැංකු වත්කම් වලින් 40%ක්. මේක අතිශයින්ම සංවේදි තත්වයක් නිසා දේශීය ණය ප්‍රතිව්‍යුහකරණය මග හැරීමට පුළුවන් නම් ඒක තමයි ප්‍රශස්තමය තත්වය. එහෙම බැරි නම් වාණිජ බැංකු සමග ගැඹුරු සාකච්ඡාවකින් පමණක් දේශීය ණය ප්‍රතිව්‍යහුකරණය කළ යුතු බවටත් ගන්නා තීන්දුවක් ඉක්මනින්ම ගන්නා ලෙසත් අපි ආණ්ඩුවෙන් ඉල්ලා සිටිනවා.''

මෙම මාධ්‍ය හමුව සඳහා පක්ෂයේ නියෝජ්‍ය ප්‍රධාන ලේකම් උපුල් කෝනාර සංස්කෘතික කටයුතු ලේකම් ශිරන්ත ජයලත් යන අයද සහභාගි විය.

-theleader
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka