මෙම අපරාධකරුවන් දෙදෙනාව මෙරටට රැගෙන ඒමට සිදුව ඇත්තේ සාමාන්ය මගී ගුවන් යානයකිනි. ඒ සඳහා ගුවන් සමාගම් සමඟ කර ඇති සාකච්ඡාවලදී එම සමාගම් බොහෝමයක්ම ආරක්ෂක තක්සේරුවක් කරමින් දැනුම් දෙමින් කොන්දේසි රැසක් මේ වන විට ඉදිරිපත්කර තිබේ. ඇතැම් ගුවන් සමාගම් ඉදිරිපත්කර ඇති කොන්දේසියක් වී ඇත්තේ එක් යානාවක ගෙන ආ හැක්කේ එක් අපරාධකරුවෙක් බවය. එසේම එම අපරාධකරු රැඳී සිටින ආසන පේලියේ සහ ඉදිරිපස ආසන පේලිය මගීන්ගෙන් හිස්ව තැබීමට සිදුවන බැවින් එම ආසනවලටද ගෙවීම් කළ යුතු බවට කොන්දේසියක්ද පනවා ඇත. මෙම අභියෝගය ජය ගනිමින් මෙම අපරාධකරුවන් දෙදෙනාව ඉතා ඉක්මණින් මෙරටට රැගෙන ඒමට ක්රියා කරමින් සිටින්නේ අපරාධකරුවන් වෙනුවෙන් ඉදිරිපත් වන නීතිඥයන් විසින් එරට අධිකරණ වෙත මේ ගැන කරුණු වාර්තා කර ඉදිරිපත් කරන තර්ක මුල්කරගෙන මෙරටට ගෙන්වා ගැනීමට නොහැකි අවධානම් තත්ත්වයක් උද්ගත විය හැකි නිසා බව උසස් පොලිස් නිලධාරියෙක් සඳහන් කළේය.
ගයාන් කුමාර වීරසිංහ
