ගෝඨාභයට ගහලා පැන්නුවා වගේ අපිටත් ගහල පන්නා දමන්න ඉඩ තියෙනවා - අනුර (VIDEO)

ගෝඨාභය රාජපක්ෂ මහතා මේ රටේ ජනාධිපති ධුරයට පත් කරගන්නා ලද්දේ මෙරට දේශපාලන සංස්කෘතිය වෙනස් කරනු ඇතැයි විශාල බලාපොරොත්තුවකින් බව ජාතික ජන බලවේගය නායක අනුර දිසානායක මහතා සඳහන් කරයි.

නමුත් ගෝඨාභය රාජපක්ෂ මහතා ද පැවති දේශපාලන සංස්කෘතියම දිගුවක් ලෙස කටයුතු කරන විට ඔහු බලයට ගෙන ආ බලවේග විසින් පන්නා දැමූ බවත් ඒ මහතා පැවසීය.

ඔහු පලවා හරින්නට ද මූලික වූයේ ඔහු බලයට ගෙන එන ලද බලවේග බවද පැවසූ ඔහු ගෝඨාභය බලයට පක් කිරීමේ අපේක්ෂාවම ඔහු බලයෙන් පන්නා හැරීමේ ප්‍රබලම සාධකය වූ බව ද පැවසීය.

අද වන විට ජාතික ජනබල වේගය කෙරෙහි එදා ගෝටාභය කෙරෙහි තැබූ බලාපොරොත්තුවට වඩා වැඩි බලාපොරොත්තුවක් තබා ඇති බව දන්නා බවත් කී ඔහු පෙර ලෙස පලවා හැරීමේ අනතුර ද හොඳින් දන්නා බවත් ඒ අනතුර දැනගෙන කටයුතු කරන බව ද සදහන් කලේය.

කොළඹ දී පැවැති සම්මන්ත්‍රණයක් අමතමිනි ඒ මහතා මේ බව කියා සිටියේය.