රාජපක්ෂලාගේ මිනී පෙට්ටියට අන්තිම ඇනේ ගහන්න දුන්නේ නැත්තේ රනිල් – මුජිබර් (VIDEO)

එකට එක්ව රටක් විනාශ කර දැන් යළි නැගිටින්න නොව දැන් කියන්න ඇත්තේ එක්ව පලයල්ලා යැයි සමඟි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා අද (09) කොළඹදී පැවති මාධ්‍ය හමුවකදී පැවසුවේය.

එදා ජූලි 09 වෙන විට රාජපක්ෂලාගේ මිනී පෙට්ටියට අන්තිම ඇනය ගැසීමට තිබියදී එය වළක්වාලූයේ රනිල් වික්‍රමසිංහ මහතා බවයි රහුමාන් මන්ත්‍රීවරයා සඳහන් කළේ.

රනිල් වික්‍රමසිංහ විසින් ඔවුන්ව බේරා නොගත්තේ නම් එක්ව නැගිටින්න හදන කතා කිසිවක් කීමට අවස්ථාවක් නැති වන බව මන්ත්‍රීවරයා ප්‍රකාශ කළේය.

රනිල් වික්‍රමසිංහව හදාගත් බවට දැන් මහින්ද රාජපක්ෂ ප්‍රකාශ කරමින් තිබෙන අතර මහින්ද රනිල්ව හදාගැනීමට අරන් බොහෝකල් වන බවත් යහපාලන ආණ්ඩුව සමයේදීත් රාජපක්ෂලාට එරෙහි නඩු වලින් රාජපක්ෂලාව බේරාගැනීමට රනිල් වික්‍රමසිංහ මහතා කුමන්ත්‍රණ කළ හැටි එදා කණ්ඩායම් රැස්වීම වලදී පෙන්වාදුන් බවයි මන්ත්‍රීවරයා පැවසුවේ.