කොටුව ජනාධිපති මන්දිරය ඉදිරියේ විරෝධතාවයක නිරත වූ සමගි ජනබලවේගයේ සාමාජිකා - හිරුණිකා ප්‍රේමචන්ද්‍ර මහත්මිය ඇතුළු පිරිසක් මීට සුළු වේලාවකට පෙර අත්අඩංගුවට ගෙන තිබේ.
කොටුව පොලීසිය විසින් මෙම පිරිස අත්අඩංගුවට ගෙන ඇති බව පොලිස් මූලස්ථානය සඳහන් කරයි.
හිරුණිකා ප්‍රේමචන්ද්‍ර මහත්මිය ඇතුළු පිරිසක් අද (06) පෙරවරුවේ කොටුව ජනාධිපති මන්දිරය ඉදිරිපිට විරෝධතාවයක නිරත වුණි.
හිරුණිකා ප්‍රේමචන්ද්‍ර මහත්මිය ඇතුළු කාන්තාවන් 5 දෙනෙකු සහ පිරිමි පුද්ගලයින් සිව් දෙනෙකු මෙලෙස අත්අඩංගුවට ගත් පිරිස අතරට අයත්ය.
ඔවුන්ගෙන් මේ වනවිට ප්‍රකාශ සටහන් කර ගනිමින් සිටින අතර කොටුව පොලීසිය මේ සම්බන්ධයෙන් වැඩිදුර විමර්ශන සිදුකරයි.
