සර්ව පාක්ෂික ආණ්ඩු බොරු වෙයි... පළමු දවසේම පාර්ලිමේන්තුව දෙකට බෙදෙයි... ජන්ද තියන්න ලක්ෂ ගාණක් වතුරේ!

නව අගමැතිවරයා වශයෙන් තේරී පත්වූ රනිල් වික්‍රමසිංහ මහතා සර්ව පාක්ෂික ආණ්ඩුවක් පිහිටුවන බව කීවද අද පෙරවරුවේම පාර්ලිමේන්තුව ‌‌දෙපැත්ත බෙදී ජන්දය විමසන ආකාරයක් දැකගත හැකි විය. ඒ අනුව පොහොට්ටුවෙන් අජිත් රාජපක්ෂ සහ විපක්ෂයෙන් රෝහිණී කවිරත්න යන දෙදෙනා ඉදිරිපත්ව තිබේ.

මීට අමතරව ස්වාධීන කණ්ඩායමේ බොහෝ දෙනකු අද පාර්ලිමේන්තුවට පැමිණ නැති බවක්ද දැකගත හැකිය.

ඒ අනුව යළිත් පිහිටුවා ඇත්තේ පොහොට්ටු ආණ්ඩුවක් බව බොහෝ දෙනාගේ මතය වී තිබේ.

මේ වනවිට නැවත වතාවක් නියෝජ්‍ය කතානායකවරයා තෝරාගැනීම සදහා ජන්ද විමසුමක් පැවැත්වෙන අතර ඒ සදහා පාර්ලිමේන්තුවේ කාලය සහ ධනය විශාල ලෙස වැයවන බවද ඔවුන් පෙන්වා දෙයි.