මිල ගණන් කැදවීමක් නෑ.. 200MW හදිසි විදුලිය මිලදී ගන්න යයි..

මෙගාවොට් 200 ක හදිසි විදුලිය මිලදී ගැනීමක් සඳහා ලංකා විදුලිබල මණ්ඩලය සූදානම් වෙයි.

ඒ සඳහා අනුමැතිය ඉල්ලමින් ලංකා විදුලිබල මණ්ඩලයේ සාමාන්‍යාධිකාරී වරයා විසින් මහජන උපයෝගීතා කොමිසම ලිපියක් යොමු කර ඇත.

එම හදිසි විදුලිය මිලදී ගැන කටයුත්ත වසර දෙකක කාලයක් සඳහා සිදු කළ යුතු බවද එම ලිපියේ සඳහන් වෙයි.

එසේ විදුලිය මිලදී ගැනීම සඳහා සුදුසු පෞද්ගලික ආයතන කිහිපයක නම්ද උපයෝගිතා කොමිසම වෙත යොමු කිරීමට කටයුතු කර ඇත.

මිල ගණන් නොකැදවා ගිවිසුම් ගත වීමෙන් පසුව එම බලාගාර ඩීසල් හිඟතාව මත විදුලි උත්පාදනයක් නොකළ ද අදාළ කාලසීමාව තුළ මුදල් ගෙවීමට සිදුවෙයි.

-lankacnews