ශ්‍රී ලංකාවට ඇති ව තිබෙන ආර්ථික අර්බුදය ණය බර නිසා බවත් කොරෝනා වසංගතය එය උග්‍ර කළ බවත් බලශක්ති අමාත්‍ය උදය ගම්මන්පිල මහතා සඳහන් කරයි.
ශ්‍රී ලංකාවේ ආර්ථික අර්බුදය ගැන ඒ මහතා මෑතකදී කරන ලද ප්‍රකාශයන් ආණ්ඩුපක්ෂ මැති ඇමතිවරුන්ගෙන් දැඩි විවේචනයට ලක් විය.
“මුළු ලෝකයම කොරෝනා විසින් ගිලගත්තා. විදේශ මුදල් හිඟයට මුහුණ දී ඇත්තේ රටවල් කිහිපයක් පමණි. වර්තමාන අර්බුදයට හේතුව කොරෝනා නම්, මුළු ලෝකයම එවැනි තත්වයන්ට මුහුණ දිය යුතුව තිබුණි. අපේ ආර්ථික අර්බුදය ණය බරින් ඇති වූ අතර එය උග්‍ර කළේ කොරෝනා වසංගතයයි”
