වකුගඩු බද්ධ කළ රෝගීන්ගේ ජීවිත අනතුරේ ? රෝහල්වල බෙහෙත් නෑ…

වකුගඩු බද්ධ කිරීමේ ශල්‍යකර්මයට ලක්වූ රෝගීන්ගේ බද්ධ කරන ලද වකුගඩු ප්‍රතික්ෂේපවීම වැලැක්වීම සදහා ලබාදෙන ඖෂධ වල හිඟයක් රෝහල් වල ඇතැයි වාර්තා වෙයි.

Tacrolimus හා mycofenolate යන ඖෂධ ප්‍රධාන වශයෙන් මෙලෙස හිඟ තත්වයක් රෝහල් වලින් වාර්තා වන අතර ඒ හේතුවෙන් රෝගීන් දැඩි අපහසුතාවයට පත්ව ඇත.

විශේෂයෙන් මෙම රෝගීන්ට ලබාදෙන ඖෂධ මිල අධික ඖෂධ වන අතර mycofenolate නම් ඖෂධයේ (500g) එක පෙත්තක මිල160 – 350 වැනි පරාසයක විහිදෙන විවිධ වෙළඳ නාම යටතේ ඇත. අනෙක් ඖෂධය වන tacrolimus හි තත්වයද එසේය.

ඒ හේතුවෙන් දෛනිකව අනිවාරයයෙන් ලබාගත යුතු මෙම ඖෂධ රෝහලෙන් නොලැබෙන විට පිටතින් මිලදී ගැනීමට සිදුවන්නේ නම් රෝගීන්ට අධික මුදලක් ඒ වෙනුවෙනු වියදම් කිරීමට සිදුවේ.

ජයවර්ධනපුර රෝහලේ වකුගඩු සායනයට පැමිණි ⁣රෝගීන්ට ලබාගැනීම සදහා ප්‍රමාණයත් ඖෂධ නොතිබීම හේතුවෙන් දැඩි අපහසුතාවයට පත් රෝගීන් අතර යම් නොසන්සුන්තාවයත් ඇතිව ඇති බවද වාර්තා වෙයි

-webnewslk