අග්රාමාත්ය මහින්ද රාජපක්ෂ මහතා ධුරයෙන් ඉවත් වන්නේ නම් තමන් දැනුවත් කරනු ඇතැයි කොළඹ විශ්ව විද්යාලයේ කුලපති පූජ්ය මුරුත්තෙට්ටුවේ ආනන්ද හිමියෝ සඳහන් කරති. උන් වහන්සේ සඳහන් කරන්නේ අග්රාමාත්ය ධුරයෙන් මහින්ද රාජපක්ෂ මහතා ඉවත්වීමට සැරසෙන බවට පැතිර යන ප්රචාර අසත්ය බවත් පැවසූ උන් වහන්සේ එවන් තීන්දුවක් ගත්තේ නම් වහා අතහරින ලෙසද ඉල්ලා සිටිති.
උන්වහන්සේ මේ බව කියා සිටියේ නාරාහේන්පිට අභයාරාමයේදී පැවැති මාධ්ය හමුවක් අමතමිනි.
“අගමැතිතුමා යනවා නම් අපිට කියලා යන්නේ. මහින්ද රාජපක්ෂ එලවන්න කුමන්ත්රණයක් ද දන්නේ නැහැ. අද රටේ පොඩි පොඩි ප්රශ්න තියෙනවා. ජනපති වටා ඉන්න අය නිසා රට ගෙනියන්න බැහැ.
එක කේවට්ටයෙක් නම් දැන් බැහැරවෙලා. අයියා මල්ලී එකතුවෙලා ඩොලර් පස්සෙ නොයා.., ඉන්න අය හුවමාරු කළොත් රට කරන්න පුලුවන්.
පොහොර ගැන කේවට්ටයෙක් උපදෙස් දුන්නා. අන්තිමට ජනතාවට රට එපාවුණා. ගෑස් පිළිබඳත් එහෙම වුණා.
වෙන්න යන දේ වළක්වාගන්න නම් මහින්ද මහත්තයා ගිහින් හරියන්නේ නැහැ. මහින්ද මහත්තයා මේකේ ඉන්න ඕනේ. තීන්දුවක් ගත්තානම් වහාම අත්හරින්න.
ජනපතිතුමනි කේවට්ටයින් ඉවත්කරන්න. ශෝධනයක් කළොත් ඉලක්කයට යන්න පුළුවන්. හණමිටි බදාගෙන ගියොත් අපිත් රටත් විනාශයි.
විවේක ගන්න පිටරටම යන්න ඕනේ නැහැනේ. බලයට පත්කරපු ජනතාව හාමතේ තියලා හෝටල්වලට ගියපු එක ගැන ජනතාව තීන්දු කරයි.”