gossip lanka news line gossip lanka news line
gossip lanka gossip lanka gossip lanka gossip lanka

පොලිසිය කොවිඩ් සමග ගිවිසුමක් අත්සන් කරලාද ? රටට එක නීතියක් - පොලිසියට වෙනම නීතියක්ද ?

පහතින් දැක්වෙන්නේ ශ්‍රී ලංකා පොලිසියේ ඉහළ නිලධාරියෙකු ඇතුළු පිරිසක් ඊයේ (06) අළුයම රත්මලාන ප්‍රදේශයේදී අන්තර් විශ්වවිද්‍යාලයීය ශිෂ්‍ය බලමණ්ඩලයේ කැඳවුම්කරු වසන්ත මුදලිගේ මහතාව අත් අඩංගුවට ගත් ආකාරයයි. 

වසන්ත මුදලිගේව අත් අඩංගුවට ගන්නා මේ ඉහළ පොලිස් නිලධාරියා කිසිදු මුඛ ආවරණයක් පැළඳ නැත ! ඒ මදිවාට ඔහු අත් අඩංගුවට ගත් පුද්ගලයාගේ මුහුණටම ළංවී කතා කරන අතර අතින් ද ඇදගෙන එන්නේ සෙසු පොලිස් නිලධාරීන් ද සමග එක පොදියට තෙරපෙමිනි !!

මේ පොලිස් නිලධාරියා වෙනත් තැන්වලදී සෞඛ්‍ය ආරක්ෂණ පුරුදු හරියටම අනුගමනය කර මෙතැනදී පමණක්ම එය නොකළායැයි කියන්නට නොහැක. ඔහුට කොවිඩ් වෛරසය වැළදී තිබිණි නම් එය අත් අඩංගුවට පත් පුද්ගලයාට ද වැළඳෙනු ඇත. අත් අඩංගුවට ගත් වසන්ත මුදලිගේව ඊයේ අධිකරණයකට ද ඉදිරිපත් කර රිමාන්ඩ් කෙරිණි. පොලිස් නිලධාරියාට කොවිඩ් තිබිණි නම් එය කෙළවර වනු ඇත්තේ අදාළ අධිකරණයට පැමිණි සහ රිමාන්ඩ් බන්ධනාගාරයෙහි සිටින තවත් අති විශාල පිරිසකට කොවිඩ් වැළඳීමෙනි. 

විශේෂයෙන් පොලිස් මාධ්‍ය ප්‍රකාශක අජිත් රෝහණ මහතා උදෑසන පටන්ම සියලුම මාධ්‍ය නාලිකාවල පාහේ පෙනී සිටිමින් රටට කියන්නේ කොවිඩ් වෛරසයෙන් බේරී සිටීමට මුඛ ආවරණ පැළඳීමේ වැදගත්කම ගැනය. මීටරයක පරතරය තබාගැනීමේ වැදගත්කම ගැනය. ඒ මහතා කියනා දේවල් පොලිසියේ සෙසු නිලධාරීන් සත පහකට ගණන් නොගන්නේදැයි යන ප්‍රශ්නය මෙතැනදී මතුවේ. 

ඊට අමතරව අපට තවත් ප්‍රශ්න කිහිපයක් තිබේ. 

1. රටේ සාමාන්‍ය දුප්පත් මිනිසෙකු මුඛ ආවරණයක් රහිතව පාරක සිටියේ නම් පොලිසිය කරන්නේ ඔහුව කුදලාගෙන ගොස් උසාවි දමා දඩ ගැසීමය. ඒ අනුව රටේ පවතින ඒ නිරෝධායන නීති පොලිසියේ ඉහළ නිලධාරීන්ට අදාළ නොවන බවට කිසියම් චක්‍රලේඛයක් හෝ ගැසට් නිවේදනයක් නිකුත් කර ඇතිද ? 

2. කොවිඩ් වෛරසය පැතිරෙන ආකාරය හෝ එයින් වැළකෙන ආකාරය ගැන මූලික දැනුමක්වත් ඉහළ පොලිස් නිලධාරීන්ට පසුගිය වසර එකහමාරක් තිස්සේම ලබාදී නැතිද ? 

3. මේ සියල්ලම නොවේ නම් පොලිස් නිලධාරීන්ගෙන් වෙනත් අයට බෝ නොවෙන බවට ශ්‍රී ලංකා පොලිසිය කොවිඩ් වෛරසය සමග කිසියම් ගිවිසුමකටවත් එළඹ ඇතිද ? 

ලෝකෙට පරකාසේ ගෙදරට මරගාතේ කියන්නේ මේවාටය  පොලිසිය බාර ඇමතිවරයා දවසට එකසිය අටවාරයක් මතුරණ විනය ගැන ඔහුට කිසියම් හෝ හැඟීමක් තිබේ නම් මේ වෙනවිටත් අවම වශයෙන් මේ පොලිස් නිලධාරියාව නිරෝධායනයට යවා, විනය පරීක්ෂණයකුත් කැඳවාවත් තිබිය යුතුය. 

-lankanewsweb
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka