විනිසුරු තිලිණ ගමගේ සදාකාලිකව තනතුරෙන් පහ කරයි
මොරටුව හිටපු ප්‍රධාන මහේස්ත්‍රාත් සහ දිසා විනිසුරු තිලිණ ගමගේ මහතා එම තනතුරෙන් ඉවත් කිරීමට අධිකරණ සේවා කොමිෂන් සභාව (JSC) තීරණය කර තිබේ.
නීති විරෝධී අලි පැටවා සහ එල්ල වූ චෝදනා
නීති විරෝධී ලෙස අලි පැටවෙකු ළඟ තබා ගැනීමේ ආන්දෝලනාත්මක සිදුවීම ඇතුළු චෝදනා කිහිපයක් විනිසුරු තිලිණ ගමගේ මහතාට එරෙහිව එල්ල වී තිබුණි.
මෙම සිද්ධිය සම්බන්ධයෙන් අදාළ බලධාරීන් සහ අධිකරණ සේවා කොමිෂන් සභාව මගින් දීර්ඝ විමර්ශනයක් සිදු කරන ලද අතර, ඊට පෙර පැවැති පරීක්ෂණ අතරතුරද ඔහුගේ වැඩ තහනම් කිරීමට පියවර ගෙන තිබිණි.
තනතුරෙන් ඉවත් කිරීමේ තීරණය
සිදුකරන ලද විමර්ශන වාර්තා සලකා බැලීමෙන් අනතුරුව, ඔහුට එරෙහිව එල්ල වී තිබූ සියලු චෝදනාවලට ඔහු වරදකරු බවට නිගමනය කළ අධිකරණ සේවා කොමිෂන් සභාව, ඔහුව විනිසුරු ධුරයෙන් සම්පූර්ණයෙන්ම ඉවත් කිරීමට තීරණය කර ඇත.
මේ පුවත තව අයට බලන්න
