අවුරුදු 3ක හිර දඬුවමෙන් බේරෙන්න අභියාචනා දාන ගමන් හිරුණිකාගෙන් අනාවැකියක් – 2029 ජනාධිපති වෙන්නේ එක්කෝ සජිත් නැත්නම් නාමල්!
දෙමටගොඩ තරුණයෙකු පැහැරගෙන යාමේ සිද්ධිය සම්බන්ධයෙන් තමන්ට පනවා ඇති වසර 3ක බරපතළ වැඩ සහිත සිරදඬුවම ඉවත් කර නිදොස් කොට නිදහස් කරන ලෙස ඉල්ලා ඉදිරිපත් කළ අභියාචනා පෙත්සම සලකා බැලීම සඳහා හිටපු පාර්ලිමේන්තු මන්ත්රීනී හිරුණිකා ප්රේමචන්ද්ර මහත්මිය ඊයේ (2026 සැප්තැම්බර් 23) අභියාචනාධිකරණය හමුවේ පෙනී සිටියා.
අධිකරණ කටයුතු අවසන් වීමෙන් පසු මාධ්ය වෙත අදහස් දැක්වූ ඇය, ඉදිරි දේශපාලනය මෙන්ම වත්මන් ජනාධිපතිවරයා පිළිබඳවද දැඩි ආන්දෝලනාත්මක ප්රකාශයක් සිදුකිරීමත් සමඟ දේශපාලන කරළිය උණුසුම් වී තිබෙනවා.
උසාවියෙන් එළියට ඇවිත් හිරුණිකා කියපු කතා මෙන්න
"2029 ජනාධිපති වෙන්නේ එක්කෝ සජිත්, නැත්නම් නාමල්..." යැයි පවසමින් ඇය ඉදිරි මැතිවරණයේ ජයග්රාහකයන් පිළිබඳව අනාවැකි පළ කළාය.
ජනාධිපතිගේ ගෙදරට ගිහින් කෑගහන කතාව
"ජනාධිපති ඉන්න ගෙදර දන්නවා නම් දැන් වුණත් ගිහින් කෑ ගහනවා..." යැයි පවසමින් වත්මන් පාලනය කෙරෙහි වන තම විරෝධය ඇය ප්රසිද්ධියේ ප්රකාශ කර සිටියාය.
නඩුවේ සැබෑ තත්ත්වය
2015 වසරේදී දෙමටගොඩ වෙළඳසැලක සේවකයෙකු කළු පැහැති ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර තැබීම සහ පහරදීමට ආධාර අනුබල දීම සම්බන්ධයෙන් කොළඹ මහාධිකරණය මඟින් ඇයට වසර 3ක බරපතළ වැඩ සහිත සිරදඬුවම් නියම කර තිබුණි.
ඇය දැනට පසුවන්නේ මහාධිකරණය ලබාදුන් ඇප මත වන අතර, එම සිරදඬුවමට එරෙහි අභියාචනය අද දින අභියාචනාධිකරණය හමුවේ විභාගයට ගැනිණි.
"2029 කවුරු ජනාධිපති වුණත් හිරුණිකා නම් හිරේ!" – ජනතාවගෙන් එල්ල වන ප්රතිචාර
තමන්ට එරෙහිව නීතිය ක්රියාත්මක වෙද්දී, අධිකරණ තීන්දුවලින් සහ සිරමැදිරියෙන් බේරීම සඳහා මෙලෙස මාධ්ය ඉදිරියේ දේශපාලන සංදර්ශන පවත්වන බවට සමාජ මාධ්ය ක්රියාකාරීන් ඇයට දැඩි ලෙස චෝදනා කරයි.
"2029 කවුරු ජනාධිපති පුටුවට ආවත්, තරුණයන් පැහැරගෙන ගිහින් කරපු අපරාධවලට නීතිය හමුවේ ලැබුණු වසර 3ක සිරදඬුවම විඳින්න හිරුණිකාට හිරේ යන්නම වෙනවා" යැයි පවසමින් ජනතාව ඇයගේ ප්රකාශ දැඩි උපහාසයට ලක් කරමින් සිටියි.
මේ පුවත තව අයට බලන්න
