අලුත්කඩේ අධිකරණ පරිශ්රයට විශේෂ ආරක්ෂාවක් යොදා පාස්කු ප්රහාර නඩුවේ තීන්දුවට සූදානම් වන හැටි
2019 පාස්කු ඉරුදින ත්රස්ත ප්රහාර සිද්ධියට අදාළව ගොනුකර තිබූ නඩුවේ අවසාන තීන්දුව ප්රකාශයට පත්කිරීමට නියමිත අද (22) දිනයේ, අලුත්කඩේ අධිකරණ පරිශ්රය සඳහා විශේෂ ආරක්ෂාවක් යෙදවීමට පොලිසිය තීරණය කර තිබේ. මේ සඳහා විශේෂ පොලිස් කණ්ඩායම් කිහිපයක්ම අනුයුක්ත කර ඇති බව වාර්තා වේ.
තීන්දුව ලබාදෙන්නේ කවුද?
අද පෙරවරුවේ අලුත්කඩේ මහාධිකරණයේදී මෙම ඓතිහාසික තීන්දුව ප්රකාශයට පත්කිරීමට නියමිතව ඇත්තේ නවරත්න මාරසිංහ, රාමනාදන් කන්නන් සහ සුජීව නිශ්ශංක යන මහත්වරුන්ගෙන් සමන්විත ත්රිපුද්ගල මහාධිකරණ විනිසුරු මඩුල්ල විසිනි.
නඩුවේ වැදගත් කරුණු කිහිපයක්
විත්තිකරුවන්: නවුෆර් මවුලවි ඇතුළු විත්තිකරුවන් 24 දෙනෙකු.
චෝදනා: කුමන්ත්රණය කිරීම සහ ඊට ආධාර අනුබල දීම ඇතුළු චෝදනා 23,270කට අධික සංඛ්යාවක්.
සාක්ෂිකරුවන්: මෙම නඩුව වෙනුවෙන් පැමිණිලිකරුවන් 2,309 දෙනෙකු සාක්ෂි ලබාදී ඇත.
පසුගිය අගෝස්තු 24 වන දින සාක්ෂි විමසීමේ කටයුතු සම්පූර්ණයෙන්ම අවසන් කෙරුණු අතර, නඩුවේ අවසාන තීන්දුව අද දිනයේ ප්රකාශයට පත්කරන බව ත්රිපුද්ගල විනිසුරු මඩුල්ල මීට පෙර දැනුම් දී තිබුණි.
මේ පුවත තව අයට බලන්න
