![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
අධිකරණය මගහරින බැසිල් වහාම අත්අඩංගුවට ගන්න
මාතර, බ්රවුන්ස්හිල් ප්රදේශයේ පොල් ඉඩමක් මිලදී ගැනීම සහ එහි සුඛෝපභෝගී නිවසක් ඉදිකිරීමේ සිද්ධියකට අදාළව පවතින නඩුව (Browns Hill Case) අද (21) දින මාතර මහේස්ත්රාත් අධිකරණයේ කැඳවයි.
එම අක්කර එකහමාරක ඉඩම මිලදී ගැනීම සම්බන්ධයෙන් හිටපු අමාත්ය බැසිල් රාජපක්ෂට එරෙහිව පොලිස් මූල්ය අපරාධ කොට්ඨාසය විසින් මාතර මහේස්ත්රාත් අධිකරණයේ පවරා ඇති නඩුවට ඔහු අද (21) දින පෙනී නොසිටීයේය.
මෙම නඩුවට දෙවෙනි වරටත් පෙනී නොසිටීම හේතුවෙන් හිටපු අමාත්ය බැසිල් රාජපක්ෂ අත්අඩංගුවට ගැනීම සඳහා මාතර ප්රධාන මහෙස්ත්රාත් චතුර දිසානායක පැනවූ වරෙන්තු අද (21) දින නැවතත් දීර්ඝ කර ඇත.
තවද බැසිල් රාජපක්ෂගේ ඇපකරුවන් සිව්දෙනාට අවවාද කළ මාතර ප්රධාන මහෙස්ත්රාත්වරයා ඔහු අධිකරණය වෙත ඉදිරිපත් කරවන ලෙසත් එසේ නොවන්නේ නම් ඇප මුදල් රාජසන්තක නොකිරීමට හේතු දක්වන්නැයි මහෙස්ත්රාත්වරයා දැඩි ලෙස අවවාද කළේය.
රජයේ මුදල් අවභාවිත කරමින් සහ අයථා ලෙස උපයාගත් මුදල් යොදවමින් මෙම දේපළ මිලදී ගෙන ඇති බවට එල්ල වී ඇති චෝදනා මතුවූ දා සිට මෙම නඩුව දීර්ඝ කාලයක් තිස්සේ විභාගයට ගැනෙයි.
මේ වනවිට බැසිල් රාජපක්ෂ දිගින් දිගටම අධිකරණය මග හරිමින් සිටියි.
මේ පුවත තව අයට බලන්න
